Math 28:20 - JAM DE NHIALIC 2011

²⁰ ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Math 28:20 ပူးပေါင်းရင်းမြစ်များ

Cäk 39:21

Ku Bɛ̈nydït atɔ̈u ke Jothep, ku ye Jothep nyuöth nhiëër agɔk. Ku tɔ nhiɛɛr ë raan ee kɔc mac tiit.

1 Mel 1:36

Go Benaya bɛ̈ɛ̈r an, “Amiin. Ku abï Bɛ̈nydït Nhialicdu tɔ loi rɔt!

1 Lëk 16:36

Pianykï Bɛ̈nydït, Nhialic de Yithriɛl! Lɛckï nɔm ënɔɔnë ku aɣet thɛɛr! Ku abïï kɔc kedhie lueel an, “Amiin”, ku piɔnykï Bɛ̈nydït.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Bɛ̈n 3:12

Go Nhialic lueel an, “Yɛn bï tɔ̈u wo yïn, ka wadäŋ të le yïn ke bɛ̈ɛ̈i bei paan ë Rip, wek bï bɛ̈n lam në ee kuurë nɔm eenë. Yen abï ye jɔ ŋic nɔn ee Yɛn ë toc yïn.”

Bɛ̈n 8:27

Ka aŋuɛ̈ɛ̈n ë luɔi jël wok, nömku nïn kadiäk ë jɔ̈ɔ̈ric ke wo cath lok Bɛ̈nydït Nhialicda näk ëtɛ̈ɛ̈n, cït man cïï En e lɛ̈k wook.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Jeremia 26:2

Go ë Bɛ̈nydït lɛ̈k ɛn an, “Lɔ kääcë ë Luaŋdïtic cil ku luel ka cä lɛ̈k yïn ëbɛ̈n, ka bä lɛ̈k kɔc ke Juda cï bɛ̈n ë wuötiic bïk bɛ̈n lam ëtɛ̈ɛ̈n. Cïn kë nyääŋë piny.

Edhekiɛl 46:10

Të le kek thïn wën bɛ̈ny abï dhil lɔ thïn keek, ku të le kek biic abï lɔ biic.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 13:49

Yen abï ciët thök de piny. Tuucnhial abïk bɛ̈n, agokï kɔc racpiɔ̈ɔ̈th pɔ̈c bei në kɔc piɛthpiɔ̈ɔ̈th yiic,

Math 18:20

Ku të nu kɔc kaarou ayï diäk kɔc cï guëër në rinkï, ya ka, ë keyiic cil ëtɛ̈ɛ̈n.”

Math 24:3

Na wën, të rëër en ë kuur ë Olip nɔm, ke kɔcpiööcë ke ke bɔ̈ të nu yen kapäc, bïk ku luelkï an, “Lɛ̈kë wook, bï kake röt looi nɛn? Ku kë bï kɔc bɛ̈ndu ŋic ee käŋö, ayï thök de piny?”

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Mak 16:20

Agokï lɔ, lek wël aa guiir ë baai yic ëbɛ̈n, ku ye Bɛ̈nydït luui kekë keek ëtök, ago jam tɔ ye yic në kagöök ee lɔ̈ɔ̈k tïc ë yecök. Amiin.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

1 Kor 11:2

Ënɔɔnë, wek mïthëkɔckuɔ, wek lɛɛc nɔn aa wek a tak ë këriëëc ëbɛ̈n, ku nɔn aa wek jam cï yiɛ̈n week döt, acït man cän e gäm week.

1 Kor 11:23

Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam,

1 Kor 14:37

Ku na de raan cï rɔt tɔ ye tiët ee wël guiir, ayï raan ŋic ka ke Wëi, ke gam ka gäär week, nɔn ee kek ka cïï Nhialic thɔ̈n kɔc.

Nyöŋ 12:32

“Luɔikï këriëëc cä lɛ̈k week ëbɛ̈n, duökï de ka bäk ŋuak thïn ku duökï de kë bäk bɛ̈ɛ̈i bei thïn.

Nyöŋ 5:32

“Wek kɔc ke Yithriɛl, abäk dhil ŋic ë gɔk nɔn bä wek këriëëc ëbɛ̈n cïï Bɛ̈nydït Nhialicdun lɛ̈k week dhil looi.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

2 Pet 3:2

ke we bï wël aa tak, wël cï kɔn lueel ë tït ɣeriic, ku takkï löŋda wok tuuc ke Bɛ̈nydït ku ye Konydan ë Wëi.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.