Math 28:19 - JAM DE NHIALIC 2011

¹⁹ Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Math 28:19 ပူးပေါင်းရင်းမြစ်များ

Cäk 1:26

Ago Nhialic bɛ lueel an, “Loiku raan cït man ë wok, ku abïk dɛ riɛl në rec nïïm ku diɛt nïïm, ku läi, ku piny nɔm ëbɛ̈n, ku ka ye mol piny kedhie.”

Yith 48:16

“Ënɔɔnë bäär tëthiɔ̈k ku piŋ kë luɛɛl. Të ɣɔn gɔlë käŋ yɛn aacï jam në kɔc nïïm, ku ta wël cä ke lueel ee yith.” (Ënɔɔnë Bɛ̈nydït Awärjäŋ acï ya gäm riɛl ku tooc ɛn.)

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Math 13:52

Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Math 25:32

go juöör kut nïïm kedhie ë yenɔm, go ke pɔ̈ɔ̈c, jurë ku jurë, cït man ë tïn ë thök tiit ee amɛ̈l poc ë bɔɔth yiic.

Luɔi 1:2

aɣet kööl cï e jat nhial, të cï en tuuc cï lɔc kɔn yiɛ̈n thön në Wëidït ɣer:

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 14:21

Na wën, aa cïk wëlpiɛth guiëër pänydïïtë, ku wëëtkï kɔc juëc abïk aa kɔcpiööcë, ke ke dhuny kenïïm Luthura, ku Yikoniom, ku Antiokia në Pithidia.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Luɔi 9:18

Na wën, ee tëthiinë, ke käŋ ë ke jɔ lööny piny ë yenyin kacït kuɛc, ago bɛ yïn, ago rɔt jɔt, ku baptith,

Romai 10:18

Ku wek thiëëc an, Kɛ̈nkï piŋ? Go an, Ɣɛɛ, ee yic, “Rölden acï thiëi ë piny nɔm ëbɛ̈n, 2 Ku lɔ wëlken guut ë piny thar.”

1 Kor 15:29

Ku të cïï kɔc cï thou röt jɔt, ke kɔc cï baptith në këde kɔc cï thou bïk looi adï? Ku jɔ aa ŋö, kë lui ë keek baptith në këde kɔc cï thou?

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.

Epethiei 2:18

ku në yen, wook waarou wo duëër röt cuöt Wääda në Wëi tök.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Jɔn 5:7

Ku Wëidït kek aye cäätɔ, luɔi ee kek yith kek Wëi. Ku cäätɔɔ nu paannhial ayek diäk, Wääda, ku Jam, ku Wëidït: ku diëŋkë ayek tök.