Math 25:40 - JAM DE NHIALIC 2011

⁴⁰ Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Math 25:40 ပူးပေါင်းရင်းမြစ်များ

2 Tham 9:1

Na wën ke Debid ë lop an, “De raan töŋ cï döŋ ke pïïr paan ë Thaulo? Akaar bä nyuöth piathëpiɔ̈u në baŋ de Jɔnathan.”

2 Tham 9:7

Go Debid lɛ̈k en an, “Du riɔ̈c. Yɛn bï piɔ̈u piath wokë yïn, në biäk de wuur Jɔnathan. Yïn bä dɔ̈k nɔm piny de kuaar Thaulo ëbɛ̈n, ku yïn bï ya cam we yɛn në paamdï nɔm aköölnyïïn.”

2 Mel 4:10

Yïkku ɣön thiinakäŋ ë päny nɔm, ku tɛ̈ɛ̈uku agen ku pam, thöny thïn, ku lɔ manyëalath, ku abï aa rëër ëtɛ̈ɛ̈n të cï yen wo bɛ̈n neem.”

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Jeremia 39:17

Ku Yɛn Bɛ̈nydït, yïn bä gël, ku yïn cïï bï gäm kɔc ee yïn riɔ̈ɔ̈c ë keek.

Math 10:40

“Raan dɔm week ke dɔm ɛn aya, ku raan dɔm ɛn, ke dɔm raan ë toc ɛn.

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 25:39

Ë yï cuk tïŋ nɛn ke yï tök, ku mac yï, agoku bɛ̈n të nu yïn?’

Math 25:45

Na ëlë, ka bï jɔ pɔ̈k nɔm keek an, “Wek yɔ̈ɔ̈k ëyic an, “Nɔn kɛ̈n wek e luöi raan töŋ koor ë kɔckë yiic, ka kɛ̈nkï luöi yɛn.’

Math 28:10

Go Yecu ke yɔ̈ɔ̈k an, “Duökï riɔ̈c, lak lɛ̈kkï mïthëkɔckuɔ an, bïk lɔ Galili, tɛ̈ɛ̈n en abï kek a tïŋ.”

Mak 9:41

Raan bï week miɔɔc ë bïny ë pïïu ka dɛkkï në rinkï, luɔi aa wek kɔc ke Kërtho, wek yɔ̈ɔ̈k ë yic an, Acï bï tɔ̈u ke cïn ariöpde.

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 5:30

ë luɔi ee wok ka ke yenguöp, ka ke rïïŋde, ku ka ke yomke.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Jɔn 4:20

Të lueelë raan en, an, Yɛn nhiaar Nhialic, ku mɛɛn mɛnhkënë, ka ye alueeth: raan cïï mɛnhkënë ee nhiaar raan cï tïŋ guöp, ke duëër Nhialic nhiaar adï, Raan kën tïŋ guöp?

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”