Math 25:35 - JAM DE NHIALIC 2011

³⁵ yɛn aa cïï cɔk nɔ̈k, aguɔkï a miɔɔc ë këcam, yɛn aa cï yal, aguɔkï ya tɔ dëk, yɛn aaye kaman, aguɔkï ya tääu ɣöt,

Math 25:35 ပူးပေါင်းရင်းမြစ်များ

1 Mel 17:11

Na wën aa lee pïïu diëc ke cöt ku lueel, an, “Ku luɛ̈thë ya kuïn cï pam ayadäŋ.”

Jop 31:32

Ɣöndï aɣɔ̈ɔ̈r thok në biäk de kamaan, ku kɛ̈n ke kɔn tɔ nin biic.

Kɛ̈ŋ 14:21

Awäc atɔ̈u kekë raan ee kɔc thiääk ë yen biɔɔn gup, ku raan ee kɔc kuanynyïïn kony aye thieei.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Kɛ̈ŋ 25:21

Miɔ̈c raan aterdu në kuïn ku nɔn en pïïu të nɛ̈k ë cɔk en ku nɔn yen reu,

Edhekiɛl 18:16

ku cïn kɔc ee yɔŋ, ku cïï kɔc ee rum. Ee kë cï nööm tëde raan däŋ puɔ̈k nɔm raan apiɛth. Ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Edhekiɛl 18:7

Acïï kɔc ee math ku cïï kɔc ee rum. Ee raan puɔ̈k nɔm kë cï nööm ë kuɔɔny apiɛth, ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Math 26:11

We bï dɛ kɔc kuanynyïïn ë weyiic ecaŋdun, ku yɛn cïï bï tɔ̈u ë weyiic anandï.

Mak 14:7

We de kɔc kuanynyïïn ë weyiic ëcaŋɣɔn, ku të de yen köölduön yak tak, ka duɛ̈ɛ̈rkï keek aa luöi këpiɛth: ku yɛn cie raan bï tɔ̈u wo week ëcaŋɣɔn.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Jɔn 13:29

Ku në luɔi ciɛthë Judath ke athep ë wëu, aye kɔc kɔ̈k lueel an, cï Yecu yiɛ̈n lɛ̈k en an, ɣɔc ka kɔɔrku tëde Dhuëëŋ, ku nɔn bï en kɔc kuanynyïïn yiɛ̈n miɔɔc ë käŋ.

Luɔi 10:31

ku lueel, an, ‘Korunelio, lɔ̈ŋdu acï piŋ, ku miɔ̈cduön ë kɔc kuanynyïïn amuk ë Nhialic ë yepiɔ̈u.

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Luɔi 16:15

Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Romai 12:20

Yen tëde ka, cït man cï këcïgɔ̈ɔ̈r ye lueel an, “Na näk cɔk raan man yïn, ke tɔ cäm, na näk rou en, ke tɔ dëk, luɔi loi wuya, yen abï yïn en tɔ gɔ̈k rɔt e tök.”

Romai 16:23

Wek thiëëc Gayo raan cï a tɔ ye kaman, ku ye raan cï kɔc ke ɣön ë Nhialic tɔ ye kaman ëbɛ̈n. Wek thiëëc Erathato raan ë ka ke pänydït döt, kekë Kuarto mɛnhkënëda.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

Pile 1:7

Wok mit piɔ̈ɔ̈th aläl ku cï wo riit piɔ̈ɔ̈th në nhiëërduön ee yïn kɔc nhiaar, luɔi cï kɔc ɣerpiɔ̈ɔ̈th tɔ lɔ piɔ̈ɔ̈th guïk piny në yïn, mɛwäär.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.