Math 25:20 - JAM DE NHIALIC 2011

²⁰ Go raan cï gäm aguum kadhïc ke wëu bɛ̈n ke muk aguum kadhïc kɔ̈k, go lueel an, ‘Bɛ̈ny, yïn cï aguum kadhïc ke wëu tääu ë yacin, tïŋ, yɛn cï aguum kadhïc kɔ̈k yök ayadäŋ.’

Math 25:20 ပူးပေါင်းရင်းမြစ်များ

Math 18:24

Na wën, aacï kuɛ̈n gɔl, ke lïm tök bïïyë tëde yen, raan cath ke käny dït arëët, aguum juëc ke jini.

Luk 19:13

Na wën, ke cɔl lïïmke kathiëër, ku gëm keek jinii kathiëër, go keek yɔ̈ɔ̈k an, ‘Ɣaackï keek aɣet të bän lɔ bɛ̈n.’

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

Jakop 2:18

Yeka, duëërë raan lueel an, “Yïn cath we gäm, ku yɛn cath wo luɔi, nyuöthë yɛn gämdu gäm cïn luɔi cath kekë yen, ku yïn bä nyuöth gämdï në luɔidï.”