Math 24:15 - JAM DE NHIALIC 2011

¹⁵ Të cä wek kënhiɛɛny ee käŋ riɔ̈ɔ̈k tïŋ, kë cï lueel ë tiët Danyel, të cä wek e tïŋ akääc tëɣeric (raan kuen jam tɔ yökic apiɛth).

Math 24:15 ပူးပေါင်းရင်းမြစ်များ

Jeremia 44:29

Yɛn Bɛ̈nydït, we bä nyuöth kïn bän we luöi këtuc ee tënë, ku thöndiën cä lueel nɔn bän we luöi këtuc abï ya yic.

Edhekiɛl 40:4

Go lɛ̈k ɛn an, “Daaiyë në yïnyin, mɛnh ë raan. Piëŋë apiɛth, ku kët yïyic ke yï cï rɔt päl piny ku woi këriëëc bä nyuöth yïn ëbɛ̈n, në biäk ë bïï yïn ee tënë në biäk de ee kënë. Yïn bï baai de Yithriɛl lɔ lɛ̈k këriëëc cï tïŋ ëbɛ̈n.”

Danyel 1:6

Ku kɔc ë lɔc keek ee yï Danyel, ku Ɣanania, ku Miciɛl, ku Adharia, raan wun ë Juda.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Danyel 12:11

“Gɔl ë kööl ë tɔ miɔ̈c näk aköölnyïïn kääc, yen aye kööl bïï ë KËNHIƐƐNY EE RIƆ̈Ɔ̈C BƐ̈Ɛ̈I jat nhial, yen abï nïn agum ku bot kaarou ku thiërdhoŋuan 1,290 wan.

Danyel 9:23

Të wään gɔl yïn jam wek ë Nhialic, Nhialic acï lɔ̈ŋdu piŋ, Anhiaar yïn, ka yɛn aa bɔ̈ bä yïn bɛ̈n lɛ̈k jamde. Ka ënɔɔnë jɔ rɔt kiɛm piny të waar ɛn nyuuth yic.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Math 24:16

Ke kɔc nu ë Juda ë ke kɔt lekï ë kur yiic.

Mak 13:14

Të cä wek kënhiɛɛny ee käŋ riɔ̈ɔ̈k tïŋ, kënhiɛɛny cï lueel ë tiët Danyel, të cä wek e tïŋ ke kääc të cïï en duëër kɔ̈ɔ̈c, (Raan kuen në ye cök ë piŋ eenë!) Ke kɔc nu Juda ë ke kɔt ke ke lɔ ë kuurdït yiic:

Luk 19:43

Akööl abïk bɛ̈n tëde yïn, akööl bï kɔc dɛ wek ater yï geeu në rek, agokï yï tuɔɔk, ku jɔkï yï pɛ̈n lɔ biic ë wut këc ëbɛ̈n.

Luk 21:20

“Ku na tiëŋkï Jeruthalem acï tuɔɔk ë rɛm ke tɔŋ, ke jakï ŋic nɔn cï riääkde thiɔ̈k.

Jɔn 11:48

Të pɛ̈l wok en aya, ke kɔc abïk këde gam kedhie, ku Romai abïk bɛ̈n, bïk ku nömkï paanda tëde wook, ku riäkkï tëɣericë, ku jɔtkï jurda aya!”

Luɔi 21:28

Ku cötkï an, “Week, röör ke Yithriɛl! Kuɔnykï wook! Kënë ee raan ee kɔc wɛ̈ɛ̈t ë jam de ater ke jurda, ku löŋ, ku ɣön ë Bɛ̈nydïïtë, ë pinynɔm ëbɛ̈n: ku däŋ aya, acï Girikii bɛ̈ɛ̈i Luaŋdïtic, go tëɣericë jɔ riɔ̈ɔ̈k!”

Luɔi 6:13

Agokï cäätɔɔ aluɛth tɔ kääc nhial, kɔc bï e lueel an, “Raanë acïï jam ee pɔ̈l jam de lɛ̈ɛ̈t ee yen tëɣericë läät, ayï löŋ:

Ɣeberuu 2:1

Kimku wonïïm piny apiɛth, ku dötku wël cï lɛ̈k wook, ke wo cï bï jäl në yicic ke kucku röt.

Nyuuth 1:3

Thieitheei raan ë wël kueen ayï kɔc ë wël ke ka guiir ënɔɔnë piŋ, ku jɔkï kacïgɔ̈ɔ̈r thïn aa döt: ë luɔi cï akööl thiɔ̈k.

Nyuuth 3:22

Raan de yïc, ke piŋ kë lëkë Wëidït ɣööt ke Nhialic.