Math 23:38 - JAM DE NHIALIC 2011

³⁸ Tiëŋkï, ɣöndun acï nyäŋ week ke cï riääk.

Math 23:38 ပူးပေါင်းရင်းမြစ်များ

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

Diɛt 69:24

Wälë agönhdu në kekɔ̈ɔ̈th, tɔ agönhduön dït löny keek.

Diɛt 69:25

Tɔ tëdɛn cieŋkï nyiëëŋ ë piny, ë cïn raan töŋ dɔ̈ŋ ke pïïr në paanyden yic.

Yith 5:9

Yɛn cï Bɛ̈nydït de rɛm piŋ ke lueel an, “Ɣön dït läk ëbɛ̈n abïk yiic ciën kɔc, ku abïk dhɔt piny ke ke cï riääk.

Jeremia 22:5

Ku na kënkï kë luɛɛl riëëu, ke Yɛn bï kuëëŋ ë we nïïm an ɣön ë bäänyë abï lööny ë riääkic. Acä lueel, Yɛn Bɛ̈nydït.

Danyel 9:26

Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Dhep 3:6

Aye Bɛ̈nydït lueel an, “Yɛn cï juöör nyaai nyïïn ëbɛ̈n, ku riääk pɛ̈ɛ̈nydïtken ku ta pɛ̈ɛ̈ny ke ɣöötkɛn bär dɔ̈ŋ piny ke ke cï riääk. Pɛ̈ɛ̈nydït acï ke nyääŋ piny ku kuɛɛr acïn raan ee cath thïn, acïn raan cï döŋ.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”

Mak 13:14

Të cä wek kënhiɛɛny ee käŋ riɔ̈ɔ̈k tïŋ, kënhiɛɛny cï lueel ë tiët Danyel, të cä wek e tïŋ ke kääc të cïï en duëër kɔ̈ɔ̈c, (Raan kuen në ye cök ë piŋ eenë!) Ke kɔc nu Juda ë ke kɔt ke ke lɔ ë kuurdït yiic:

Luk 13:35

Tiëŋkï, ɣöndun acï nyäŋ week ke yäär. Ku wek yɔ̈ɔ̈k ëyic an, we cïï a bï bɛ tïŋ, aɣet kööl bä wek e lueel an, ‘Thieithieei raan bɔ̈ në rin ke Bɛ̈nydït.”’

Luk 21:20

“Ku na tiëŋkï Jeruthalem acï tuɔɔk ë rɛm ke tɔŋ, ke jakï ŋic nɔn cï riääkde thiɔ̈k.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Luk 21:6

“Në ee ka wɔikï yë, akööl abïk bɛ̈n, kööl bï ke dhuöör piny, ka cïn kuur töŋ bï bɛ tɔ̈u ë kuur däŋ nɔm.”