Math 19:28 - JAM DE NHIALIC 2011

²⁸ Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Math 19:28 ပူးပေါင်းရင်းမြစ်များ

1 Mel 18:31

Go kur kathiëër ku rou nööm cït man ë kuën ë dhiëën ke wɛ̈ɛ̈t ke Jakop raan wään cïï Bɛ̈nydït cäk rin an, Yithriɛl.

2 Lëk 9:19

Ku giɛɛt de kɔ̈ɔ̈r kathiëër ku rou anukï tëde akem cï tääu të ye kɔc lɔ nhial, tök anu ë biäk töŋ de akem. Acïn thööc cït ee kënë cï kɔn looi në ciɛɛŋ kɔ̈k yiic.

Edhr 6:17

Ku luɔi de dhuëëŋ ë ɣön ë Nhialic, acïï kek bɔt ë miɔɔr bɛ̈n gam, ku bot kaarou ke amɛ̈l, ku bot kaŋuan ke nyök amɛ̈l kor, ku nyök bɔɔth kathiëër ku rou ke ke thööŋ nyïïn në dhiëën ke Yithriɛl kathiëër ku rou ke ke ye miɔ̈c de kërac ke kɔc ke Yithriɛl kedhie.

Bɛ̈n 15:27

Na ɣɔn, ke ke jɔ ɣet Elim, të nu awɛɛŋ ke pïïu kadhorou ku akööt kathiërdhorou, gokï piɔ̈ɔ̈t ë pïïu lɔ̈m ëtɛ̈ɛ̈n.

Bɛ̈n 24:4

Go Mothe ka cï Bɛ̈nydït lueel gäär piny kedhie. Na ɣɔn amiäk aduduur, ke ke yïk yïk në kuur thar, ku ciëp kur thäär piny kathiëër ku rou mɛ̈c kenïïm dhiëën ke Yithriɛl kathiëër ku rou.

Bɛ̈n 28:21

Ku gäärë rin ke wɛ̈ɛ̈t ke Jakop kathiëër ku rou në ee kurkë kɔ̈ɔ̈th kathiëër ku rou, abïk ciët guela, kuur tök kɔ̈u ke rin ke wën tök, bïk dhiëën ke Yithriɛl aa nyuɔɔth.

Yith 65:17

Aye Bɛ̈nydït lueel an, “Yɛn loi piny cï piac cak ku paannhial cï piac cak. Kathɛɛr wään cï röt looi abïk määr në kɔc nïïm taitai.

Yith 66:22

“Cït man bï piny cï piac cak ku paannhial cï piac cak tɔ̈u në riɛldï, yen abï kuatdu ku rinkun tɔ̈u aya.

Lebai 24:5

Nöm kilɔɔ ke aɣaar kathiëër ku rou ku thal kuïïn cï pam kathiëër ku rou.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 19:27

Go Petero bɛ̈ɛ̈r, yöök an, “Tïŋ, wok kï, wok cï käŋ nyääŋ piny kedhie, ku kuanykï yïcök, ku buk jɔ dɛ ŋö?”

Math 20:21

Ago thiëëc an, “Eeŋö kɔɔr?” Go lueel an, “Tɔ wɛ̈ɛ̈tkiënë kaarou rëër ë ciɛɛŋdu yic, tök ë baŋ cuënydu, ku tök ë baŋ camdu.”

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Math 8:20

Go Yecu yɔ̈ɔ̈k an, “Awɛn adekï ɣöötkɛn cï wec piny, ku diɛt nhial adekï ɣööt, ku Wën ë Raan acïn të kɛn en enɔm.”

Mak 10:37

Gokï lueel an, “Pälë wo rëër në dhuëëŋdu yic, tök ë baŋ cuënydu, ku tök ë baŋ camdu.”

Luɔi 3:21

raan bï dhil ceŋ paannhial aɣɔ̈l kööl ë puŋ bï käŋ puk nïïm kedhie, kööl cïï Nhialic tɔ luel në thook ke tïtkɛn ɣeriic kedhie, gɔl ɣɔn thɛɛr ciɛkë piny.

2Tim 2:12

Të ye wo käŋ guum, ke wo bï piny cieŋ në yen ëtök. Të jiɛi wok en, ka bï wo jai aya.

Jocua 3:12

Ku ënɔɔnë, kuanykï kɔc kathiëër ku rou. Raan tök në dhiëën ke Yithriɛl yiic ëbɛ̈n kathiëër ku rou.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

Nyuuth 11:16

Go röördït kathiërrou ku ŋuan röördït rɛ̈ɛ̈r ë thöönyken nïïm, agokï röt cuat piny gutkï kenïïm piny, lamkï Nhialic,

Nyuuth 12:1

Na wën, ke gökdïït gɛ̈iyë tiëc paannhial, tik aceŋ akɔ̈l cït lupɔ, ku nu pɛɛi ë yecök, ku ceŋ göl ë dhuëëŋ ë yenɔm göl de kɔ̈u kuɛl kathiëër ku rou,

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 21:5

Go Raan rɛ̈ɛ̈r ë thöönydït nɔm lueel, an, “Tiëŋkï, yɛn nyɔk käŋ ë luɔi kedhie!” Go ya yɔ̈ɔ̈k an, “Gäär: luɔi le wëlkë gɔk ku yek yith.”

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 4:4

Ku ade thöny kɔ̈k kathiërrou ku ŋuan ke ke cï thööny gɛɛu cil: ku yɛn ë röördït tïŋ kathiërrou ku ŋuan ke ke rɛ̈ɛ̈r, aceŋkï lupɔɔ ɣer: ku ceŋkï gööl ke dhuëëŋ ë kenïïm gööl ke adhääp.

Nyuuth 7:4

Ku yɛn ë kuën ë kɔc cï gɔ̈ɔ̈r ë katim piŋ, agum kabɔt ku thiërŋuan ku ŋuan, kɔc cï gɔ̈ɔ̈r ë katim ë dhiëën ke mïth ke Yithriɛl yiic kedhie.