Math 17:23 - JAM DE NHIALIC 2011

²³ ku abïk nɔ̈k, go rɔt bɛ jɔt ëkööl ee kek diäk.” Agokï piɔ̈ɔ̈th dhiɛɛu wei arëëtdïïtë.

Math 17:23 ပူးပေါင်းရင်းမြစ်များ

Diɛt 16:10

në luɔi cï Yïn a gël në riɛl de thuɔɔu, yen aa luööi ɛn Yïn në piɔ̈ndï ëbɛ̈n, ku Yïn cïï ya bï päl paan ë thuɔɔu.

Diɛt 22:15

Riɛldï ë koth cï tööny ë tiɔp, ku nuɛt liemdï rɔt ë dai yic nhial. Yïn cï ya nyääŋ piny në abuui de thuɔɔuwic.

Yith 53:7

“Yen acï kuur ku acï bɛ̈n guum ke koor rɔt piny, acïn jam töŋ cï lueel. Acït nyɔɔŋ amääl le tem röl, ku cït amäl tem ë nhïm në yeguöp, acïn wɛ̈t töŋ cï lueel.

Danyel 9:26

Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Math 16:21

Ëköölë acï Yecu kɔckɛn ë piööcë gɔl ë nyuuth luɔi bï en dhil jäl le Jeruthalem, ku luɔi bï en kajuëc guum tëde röördït ku bänydït ke ka ke Nhialic, ku kɔc ë löŋ gɔ̈ɔ̈r, ku bï nɔ̈k abï thou, ku bï rɔt bɛ jɔt ëkööl ee kek diäk.

Math 17:9

Na wën, aa bïk piny ë kuurdït nɔm, ë ke lom Yecu thook an, “Duökï de raan lɛ̈kkï kë cäk tïŋ, aɣët të bïï ë Wën ë Raan rɔt jɔt ë kɔc cï thou yiic.”

Math 20:19

ku yïnkï Juöör lek geet, ku lek dui ë waat, ku lek piäät ë tim cï rïïu nɔm kɔ̈u, ku ëkööl ee kek diäk abï rɔt bɛ jɔt.”

Math 27:63

luelkï an, “Bɛ̈ny, acuk tak nɔn cï aluenhë ye lueel wään ŋoot en ke pïïr an, ‘Ee nïn kadiäk, ke yɛn bï rɔt bɛ jɔt.’

Mak 8:31

Na wën, ke ke jɔ gɔl ë wëët an, “Wën ë Raan abï kajuëc dhil guum, ku bï dhil rɛɛc ë röördït, ku bänydït ke ka ke Nhialic, ku kɔc ee löŋ gɔ̈ɔ̈r, ku bï dhil nɔ̈k, na miäk, acï nïn aa diäk, ka bï rɔt bɛ jɔt.”

Mak 9:30

Na wën, aa cïk jäl ëtɛ̈ɛ̈n, ke ke jɔ tëëk ë Galili, ku acïï kɔɔr luɔi bï en dɛ raan bï e ŋic.

Jɔn 16:6

Ku nɔn cän ee kakë lɛ̈k wek, ke we ye piɔ̈ɔ̈th guɔ dhiau aläl.

Jɔn 2:19

Go Yecu bɛ̈ɛ̈r, lɛ̈k keek an, “Riäkkï luaŋ ë Nhialicë, ku abä bɛ tɔ kääc ë nïn kadiäk.”