Math 16:28 - JAM DE NHIALIC 2011

²⁸ Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 16:28 ပူးပေါင်းရင်းမြစ်များ

Math 10:23

Ku të yɔŋ kek week ë pänydïïtë, jakï kat lak wun däŋ, wek yɔ̈ɔ̈k ëyic an, We cïï wuöt ke Yithriɛl bï thöl ë nɛ̈m, të ŋootë Wën ë Raan ke kën kɔn bɛ̈n.

Math 16:13

Na wën, acï Yecu bɛ̈n piny de Kaitharia Pilipi, ke thiëc kɔckɛn ë piööcë an, “Ye kɔc lueel an, ya ŋa, yɛn Wën ë Raan?”

Math 24:3

Na wën, të rëër en ë kuur ë Olip nɔm, ke kɔcpiööcë ke ke bɔ̈ të nu yen kapäc, bïk ku luelkï an, “Lɛ̈kë wook, bï kake röt looi nɛn? Ku kë bï kɔc bɛ̈ndu ŋic ee käŋö, ayï thök de piny?”

Math 24:34

Wek yɔ̈ɔ̈k ëyic an, Rem de ënɔɔnë acï bï thök, të ŋootë kakë kedhie ke ke kën tïc.

Math 24:42

Yen aa wek röt tiit, wek kuc thaar bï Bɛ̈nydun bɛ̈n thïn.

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Math 8:20

Go Yecu yɔ̈ɔ̈k an, “Awɛn adekï ɣöötkɛn cï wec piny, ku diɛt nhial adekï ɣööt, ku Wën ë Raan acïn të kɛn en enɔm.”

Mak 13:26

Na ëlë, ka bïk Wën ë Raan tïŋ abɔ̈ ë luäät yiic acath kekë riɛldït ku dhuëëŋdït.

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Mak 9:1

Go lɛ̈k keek an, “Wek yɔ̈ɔ̈k ëyic an, Ade kɔc kɔ̈k ë kɔc yiic kɔc kääc eetënë, kɔc cï thuɔɔu bï thiëëp, të ŋoot kek ke ke kën ciɛɛŋ de Nhialic tïŋ ke bɔ̈ kekë riɛldït.”

Luk 18:8

Wek yɔ̈ɔ̈k an, abï ke dap kony. Ku na Wën ë Raan, të bï en rial, bï gäm yök ë piny nɔm?”

Luk 2:26

Acï Wëidït ɣer kɔn lɛ̈k en an, Yïn cïï bï thou, të ŋoot yïn ke yï kën Kërtho de Bɛ̈nydït kɔn tïŋ.

Luk 9:27

Ka wek lɛ̈k yic an, ade kɔc kääc ee tënë, kɔc cïï thuɔɔu bï thiëëp, të ŋoot kek ke ke kën ciɛɛŋ de Nhialic kɔn tïŋ.”

Jɔn 21:22

Go Yecu lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn? Yïn, kuany a cök!”

Jɔn 8:51

Wek yɔ̈ɔ̈k ë yic an, të dötë raan wëlkï, ka cïï thuɔɔu bï tïŋ anande.”

Jɔn 8:52

Go yɔ̈ɔ̈k ë Judai an, “Ënɔɔnë aŋicku nɔn de yïn guöp jɔŋ rac. Abraɣam ë thou, ayï tït, ku ye lueel an, të dötë raan wëlkï, ka cïï thuɔɔu bï thiëëp anande.

Luɔi 1:11

ku luelkï ayadäŋ, an, “Wek röör ke Galili, eeŋö kääc wek ke we woi nhial? Yen Yecuyë, raan wën jɔtë nhial ë weyiic, abï enɔm bɛ dhuny acït nɔn cä wek e tïŋ alɔ paannhial.”

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

1 Theth 1:10

ku bäk Wënde aa tiɛɛt paannhial, Wëndɛn cï jɔ jɔt ë kɔc cï thou yiic, yen Yecu raan cïï wo luök ë agönh bï bɛ̈n.

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

Jakop 5:7

Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.

2 Pet 1:16

Acie päär ë kɔ̈ɔ̈r kek ë kuanyku cök, kɔ̈ɔ̈r cï cak ë pɛl, wään wëët wok week ee riɛldïït cath ke Bɛ̈nydït Yecu Kërtho ku bɛ̈n cï en bɛ̈n wok ee kɔc cï dhuëëŋdɛn dït tïŋ ë wonyïïn.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.