Math 16:19 - JAM DE NHIALIC 2011

¹⁹ Ku yïn bä gäm mukthɛ̈ɛ̈r ke Ciɛɛŋ de paannhial, ku kë bä duut ë piny nɔm, abï tɔ̈u ke cï duut paannhial, ku kë bä lony ë piny nɔm, abï tɔ̈u ke cï lony paannhial, käŋ kedhie.

Math 16:19 ပူးပေါင်းရင်းမြစ်များ

Yith 22:22

Abä gäm riɛl ëbɛ̈n në melik cök, käu de Debid. Abï mukthɛ̈ɛ̈r ke ɣön de luɔi muk, kë cï liep acïn raan bï ye guur, ku kë cï guur acïn raan bï ye liep.

Math 18:18

Wek yɔ̈ɔ̈k ëyic, Të de yen kë bäk duut ë piny nɔm, ke abï duut paannhial, ku të de yen kë bäk dɔ̈k ë piny nɔm ka bï dɔ̈k paannhial.

Jɔn 20:23

Kɔc kedhie kɔc bäk keek päl karɛcken, ka bï ke päl keek, ku kɔc cäkï keek bï päl karɛcken, ka cïï keek bïï päl karɛcken.”

Luɔi 15:7

Na wën, aacï kɔc teer ëteer dït, ke Petero jɔt rɔt, ku lueel an, “Wäthii, aŋiɛckï löny cï Nhialic a lɔc wään ë weyiic an, bï Juöör wëlpiɛth piŋ ë yathok, ku gamkï.

2 Kor 2:10

Ku raan bäk päl këdäŋ, ka cä pɔ̈l aya, ku të cän këdäŋ päl raan, ka ye biäkdun week, en aa päl ɛn en ë Kërtho nɔm,

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 11:6

Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Nyuuth 9:1

Na wën, ke tunynhial ee kek dhïc koth kaaŋde, aguɔ kuel cï lööny piny nhial tïŋ: ku acï gäm mukthäär de adhum thuth cïï thar tiëc.