Math 15:19 - JAM DE NHIALIC 2011

¹⁹ Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Math 15:19 ပူးပေါင်းရင်းမြစ်များ

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Diɛt 119:113

Yɛn man kɔc cïï Yïn ë luööi taiwei, ku yɛn nhiaar löŋdu.

Kɛ̈ŋ 22:15

Wuöŋ de meth ëbɛ̈n acï duööt në yepiɔ̈u, na wɛ̈ɛ̈të apiɛth ka cï tɔ ye raan piɛth.

Kɛ̈ŋ 24:9

Kiɛɛr ë pial ë piɔ̈u awäc, ku agɛɛt ë guöp ee kërɛɛcdïït mɛɛn kɔc.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

Kɛ̈ŋ 6:14

Acïk piɔ̈ɔ̈th thiäŋ në lueth, ku ayek kërac cät acïn pëk, ku acomkï wël në kɔciic ëbɛ̈n.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Kuɛ̈n 22:29

Go Balaam puk nɔm an, “Yïn duöi kë yɔ̈ɔ̈r yïn a guöp. Na ë ya muk abätäu, adï cä yï nɔ̈k.

Math 15:20

Kak ee raan tɔ rac ka, ku cäm ciëmë raan ke kën e cin piny, acïï yen ee tɔ rac.”

Math 5:28

Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u.

Math 9:4

Go Yecu ka luekï ë kepiɔ̈ɔ̈th guɔ ŋic, ago lueel an, “Eeŋö tak wek kërac ë wepiɔ̈ɔ̈th?”

Luɔi 8:22

Yen puk yïn yïpiɔ̈u në kërɛɛcduön cï wööcë, ku jɔ Bɛ̈nydït lɔ̈ŋ, ke kë cï tak ë yïpiɔ̈u ke bï dɛ të bï e yiɛ̈n päl yïn.

Romai 7:18

Ku aŋiɛc nɔn cïn en këpiɛth töŋ rɛ̈ɛ̈r ë yayic, (ee guöpdïyic en luɛɛl) ku piɔ̈n duɛ̈ɛ̈r ɛn käŋ looi acath ke yɛn, ku kë bän këpiɛth looi, abä thöl, akɛ̈n guɔ yök.