Math 12:35 - JAM DE NHIALIC 2011

³⁵ Raan piɛth piɔ̈u ee kapiɛth bɛ̈ɛ̈i bei në kakɛn piɛth nu ë yepiɔ̈u, ku bïï raan rac piɔ̈u karɛc bei në kakɛn rac nu ë yepiɔ̈u.”

Math 12:35 ပူးပေါင်းရင်းမြစ်များ

Jop 8:10

Cïkï yï bï wɛ̈ɛ̈t, ku lëkkï yïn ka ŋickï?

Kɛ̈ŋ 12:6

Liëp ke kɔc ee karɛc looi athiëŋkï në rim, ku kony kɔc në jam de kɔc piɛthpiɔ̈ɔ̈th.

Kɛ̈ŋ 15:23

Ŋiëc bëër ee kɔc tɔ mit piɔ̈ɔ̈th ku apiɛth arëët të lueelë yen në akööl rɔ̈ŋ ke keek.

Kɛ̈ŋ 15:28

Raan piɛth piɔ̈u ee kɔn ciët, ke kën bëër, ku raan ee karɛc looi ee thok thuäär në karɛc.

Kɛ̈ŋ 15:4

Liem piɛth acït awaŋ de pïïu, ku liem ee lueth lueel ee kɔc riɔ̈ɔ̈k piɔ̈ɔ̈th.

Math 12:34

Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 13:52

Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Math 7:17

Yen aye tim piɛth ëbɛ̈n luɔk ë mïth piɛth, ku lok tim rac në mïth rac.

Luk 6:45

Raan piɛth ee këpiɛth bɛ̈ɛ̈i bei në piath ë yenpiɔ̈u, ku raan rac ee kërac bɛ̈ɛ̈i bei në kërɛɛc nu ë yenpiɔ̈u: thok ee jam në kë cï piɔ̈u thiɔ̈ɔ̈ŋ nɔm.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

Kolothai 4:6

Yak jamdun tɔ cath ke dhuëëŋdepiɔ̈u anandun cït man ë kuïn cï wac ë amilɔ, ke we bï këde raan ëbɛ̈n ŋiëc bɛ̈ɛ̈r apiɛth.