Math 12:28 - JAM DE NHIALIC 2011

²⁸ Ku tën aa yɛn jɔɔk rac ciëëc bei në Wëi ke Nhialic, ke ciɛɛŋ de Nhialic acï bɛ̈n tëde week.

Math 12:28 ပူးပေါင်းရင်းမြစ်များ

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Math 12:18

“Tiëŋkï awundï, raan cä lɔc, Mɛnhdiën nhiaar, yɛn mit piɔ̈u wokë yen, Wëikï abä ke tääu ë yeguöp, ku abï löŋ yic guiëër juöör.

Math 12:29

Duëër raan lɔ ɣön ë raan ril adï, le ku yiɛk kake, të ŋoot en ke kën raan ril kɔn duut? Aduëër kɔn duut ku jɔ ɣönde yak.

Math 21:31

Ee mɛnhou ë keyiic kaarou, mɛnh ë loi këde piɔ̈n ë wuönden?” Gokï lueel an, “Ee mɛnh tueŋ.” Go Yecu ke yɔ̈ɔ̈k an, “Wek yɔ̈ɔ̈k ëyic an, kɔc ë athölbö tɔ kut kekë akɔɔrröör kek a kɔn lɔ ë ciɛɛŋ de Nhialicic ë week.

Math 21:43

Yen a yɔ̈ɔ̈k ɛn week an, “Ciɛɛŋ de Nhialic abï nyaai tëde week, ago gam jur däŋ, jur ë luɔk ë mïth röŋ në yen.”

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Mak 1:15

aaye lueel an, “Piny ë thök, ku ciɛɛŋ de Nhialic acï guɔ thiɔ̈k! Pɔ̈kkï wepiɔ̈ɔ̈th, ku gamkï Wëlpiɛth!”

Mak 11:10

Thieithieei në ciɛɛŋ bɔ̈, ciɛɛŋ de wääda Debid! Ɣothana tënhial ya!”

Mak 16:17

Ku kagöökkë abïk kɔc aa kuany cök kɔc cï gam: an, në rinkï abïk jɔɔk rac aa cieec, abïk aa guɛl ë thook mɛɛn thook cï piac yök,

Luk 10:11

‘Ayï tɔr ë pänyduöndït tɔr wën cï nuɛt ë wogup, yen a weecku wei, jäny jiëëny wok week ka! Ku jakï kënë ŋic an, Ciɛɛŋ de Nhialic acï ɣëët tëthiɔ̈k ke week!’

Luk 11:20

Ku na ya jɔɔk rac cieec në ciin ë Nhialic, ke ciɛɛŋ de Nhialic kï, cï bɛ̈n tëde weekë.

Luk 16:16

Löŋ de Mothe ku gäär de tït aake nu aɣet ɣɔn bïï Jɔn, na wën, aacï bɛ̈n, ke jɔ ciɛɛŋ de Nhialic aa guiëër kɔc, go raan rɔt riɛɛny thïn ëbɛ̈n.

Luk 9:2

Go ke tooc lek kɔc aa guiëër ciɛɛŋ de Nhialic, ku tɔkï kɔc tök dem.

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Kolothai 1:13

Acï wo luäk bei në riɛl ë cuɔlëpiny, ku tɛ̈ɛ̈u wook ë ciɛɛŋ de Wëndɛn nhiɛɛric,

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.