Math 10:23 - JAM DE NHIALIC 2011

²³ Ku të yɔŋ kek week ë pänydïïtë, jakï kat lak wun däŋ, wek yɔ̈ɔ̈k ëyic an, We cïï wuöt ke Yithriɛl bï thöl ë nɛ̈m, të ŋootë Wën ë Raan ke kën kɔn bɛ̈n.

Math 10:23 ပူးပေါင်းရင်းမြစ်များ

Jeremia 26:21

Na wën cï Jeɣoyakim melik kekë ë remdɛn ë tɔŋ ku bänyke ye piŋ yen kë cï Yuria lueel, acï melik them nɔn bï yen en tɔ näk. Go Yuria ye piŋ, go rɔt kual ë riɔ̈ɔ̈cdït ku le Rip.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 2:13

Na wën, aa cïk jäl dï, ke tunynhial ë Bɛ̈nydït tul tëde Jothep ke ye nyuöth, lueel an, “Jɔt rɔt, nöm mɛnhthiinë kekë man, kɔt lɔ paan ë Rip, ku tɔ̈uwë ëtɛ̈ɛ̈n aɣet të bän yï yiɛ̈n thok, Ɣerod abï mɛnhthiinë kɔɔr luɔi bï en e nɔ̈k.”

Math 23:34

Yen tëde ka, tiëŋkï, yɛn, tuc tït week, ku röör pelnïïm, ku kɔc ë löŋ gɔ̈ɔ̈r, ku we bï kɔ̈k ë keek nɔ̈k abäk ke piäät ë tiim cï rïïu nïïm kɔ̈ɔ̈th, ku we bï kɔ̈k ë keek dui ë wɛt ë ɣöötkuön ë Nhialic yiic, ku yaŋkï keek në pänydït tök ku lakï ë pänydït däŋë.

Math 23:36

Wek yɔ̈ɔ̈k ë yic an, Kake kedhie abï ke kut nïïm ë remë yeth!

Math 24:27

Acït man de wilëdeŋ ee piny riaau ëbɛ̈n, gɔl të lɔ aköl amiäk ɣet të lɔ aköl athɛ̈i, yen abï ciët bɛ̈n ë Wën ë Raan aya.

Math 24:30

Na ëlë, ke gök bï Wën ë Raan ŋic abï jɔ tïc tënhial, ago dhiëën ke piny nɔm ëbɛ̈n, agokï keyöth biɔ̈ɔ̈k ke ke dhiau, ku abïk Wën ë Raan tïŋ abɔ̈ ë luäät yiic nhial ke cath ke riɛl dït ku dhuëëŋ dït.

Math 24:34

Wek yɔ̈ɔ̈k ëyic an, Rem de ënɔɔnë acï bï thök, të ŋootë kakë kedhie ke ke kën tïc.

Math 24:48

Ku të ee yen lïm rac, en ee lïmë, go lueel ë yepiɔ̈u an, Bɛ̈nyda ë gääu ë bɛ̈nde,

Math 25:13

Yen tiɛɛt wek röt, wek kuc akööl ayï thaar bï Wën ë Raan bɛ̈n.

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Math 4:12

Na wën, aacï Yecu e piŋ nɔn cï Jɔn mac, ke jël le Galili,

Mak 13:26

Na ëlë, ka bïk Wën ë Raan tïŋ abɔ̈ ë luäät yiic acath kekë riɛldït ku dhuëëŋdït.

Luk 18:8

Wek yɔ̈ɔ̈k an, abï ke dap kony. Ku na Wën ë Raan, të bï en rial, bï gäm yök ë piny nɔm?”

Luk 21:27

Na ëlë, ke kɔc abïk Wën ë Raan tïŋ a bɔ̈ ë luätic ke cath ke riɛldït ku dhuëëŋ dït.

Jɔn 7:1

Na wën, acï kakë thök, ke Yecu ye cath ë Galili: acïn piɔ̈u luɔi bï en aa cath ë Juda, luɔi kɔɔrë Judai luɔi bï kek e nɔ̈k.

Luɔi 17:10

Go wäthii Paulo dap tɔ jël wakɔ̈u kekë Thila, lek Beroya. Na wën, aa cïk ɣeet, ke ke lɔ luaŋ ee Judai lɔ̈ŋ thïn.

Luɔi 17:14

Go wäthii Paulo tɔ jël ënɔnthiinë cït kë lɔ ë wɛ̈ɛ̈r nɔm, ku dɔ̈ŋ Thila ëtɛ̈ɛ̈n kekë Timotheo.

Luɔi 20:1

Na wën, aacï anuɔɔn jɔ thök, ke Paulo cɔl kɔcpiööcë, ku jɔ ke riit piɔ̈ɔ̈th, na wën, ke ke tɛ̈ɛ̈ŋ, ku jël le Makedonia.

Luɔi 8:1

Ku gam Thaulo thonde. Na wën, ee aköölkë, ke yöŋ dït cak rɔt tëde ɣön ë Nhialic nu ë Jeruthalem, gokï thiëi roor piny ë Judaya ëbɛ̈n kekë Thamaria, keek kedhie, ee tuuc kapäc kek ë dɔ̈ŋ.