Malakai 3:6 - JAM DE NHIALIC 2011

⁶ Kë cï Bɛ̈nydït de rɛm lueel kï an, “Yɛn cïï rɔt ee waar Yɛn Bɛ̈nydït. Yɛn kën jaai në löŋ cä kɔn mac wokë week. Ka week, wek käu de Jakop, yen kë kɛ̈n Ɛn week riɔ̈ɔ̈k ka.

Malakai 3:6 ပူးပေါင်းရင်းမြစ်များ

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 15:7

Ago Bɛ̈nydït lɛ̈k Abram an, “Ee Yɛn aye Bɛ̈nydït ë jɔt yïn ë Ur, piny ë Babilon, bä yï bɛ̈n gäm ee pinyë bï ya këdu.”

Cäk 22:16

lueel an, “Acï Bɛ̈nydït lueel an, Yɛn ë kuëëŋ në rinkï yatök në luɔi kën yïn Ɛn pɛ̈n wënduön töŋë.

Diɛt 102:26

Abïk riäär kedhie, ku Yïn bï döŋ, abïk riääk cït man ë lupɔɔ. Ku abä ke rɛt cï lupɔɔ, ku abïk riäär taitai.

Diɛt 102:27

Ku Yïn tɔ̈u ë täu cï rɔt ee waar, ku pïïrdu acie thök.

Diɛt 102:28

Mïth ke awuutku, abïk rëër ë nɔm lääu, ku Yïn abï keek gël. Ku kuatden abïï ke kony.

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 78:57

ku yek gɔ̈th, ku cïkï Nhialic riëëu cït man ë kuarken, acïï keek ee ŋɔ̈ɔ̈th cït man ë dhaŋ ŋɔl kɔ̈u.

Yith 41:13

Yɛn ee Bɛ̈nydït Nhialicdun, wek bä tɔ ril, ku yɔ̈ɔ̈k week an, ‘Duökï bï riɔ̈ɔ̈c, wek bä ke kony.’”

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 46:4

Yɛn ee Nhialicdun ku wek bä muk agut të cïï wek dhiɔp abäk nïïm lou në nhïm ɣer. Wek cä looi, ku wek bä muk, wek bä gäm kuɔɔny ku luäk week.

Jeremia 32:27

“Yɛn ee Bɛ̈nydït, Nhialic de kɔc cï cak kedhie. Acïn kë rilic tëde Yɛn.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Ɣodh 11:9

Agönhdï acä päl piny ë määth, Yɛn cïï Eparaim bï bɛ riɔ̈ɔ̈k taitai. Në biäk yan Nhialic, Yɛn cie raan. Yɛn ee Töŋ Ɣeric në weyiic. Yɛn cï bï bɛ̈n tëde week, ke Ya göth.

Ɣabakuk 1:12

Bɛ̈nydït Yïn ee Nhialicda, tɔ̈u aɣet athɛɛr. Yïn ee Raan Ɣeric e wo gël, Yïn cï Babilon lɔc ku tɔ ke ril bïk wo luöi këtuc.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 22:13

Yɛn aye tueŋ ku ya ciëën, göl ë käŋ ku thök ë käŋ.”

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”