Malakai 3:18 - JAM DE NHIALIC 2011

¹⁸ Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Malakai 3:18 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Jop 17:10

Bäkï da wedhie, na de të bän raan pelnɔm yök në weyiic!

Jop 6:29

Pɔ̈kkï wepiɔ̈ɔ̈th, duökï ya bï dhööl, acïn awänydiën cä looi.

Bɛ̈n 11:7

Ku acïn kë bï nɔm aa kɔc ke Yithriɛl, nɔn ee yen raan, ku nɔn ee yen läi. Na cakaa jö acïï ke bï biöu. Yen abä wek en jɔ ŋic nɔn cïï Bɛ̈nydït kɔc tekiic, kɔc ke Rip pei, ku kɔc ke Yithriɛl pei.’ ”

Jeremia 12:15

Ku të cän keek jat wei, Yɛn bï piɔ̈u kok wo keek, Yɛn bï jur bɛ aa bɛ̈ɛ̈i ciëën pinyde, ku paande.

Danyel 2:18

Go keek yɔ̈ɔ̈k, bïk Nhialic de Paannhial lɔ̈ŋ ë baŋ ë kokëpiɔ̈u, ku bïk luɔp bï keek nyuöth wɛ̈r de këcïmoony yic, ago keek cïï bï nɔ̈k ëtök në röör pelnïïm de Babilon.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Malakai 1:4

Tɛk däŋ, duëër kɔc ke Edom, dhiën de Ethau, lueel an, “Na cakaa nɔn cï wo riɔ̈ɔ̈kë, wok bï bɛ yïk. Ku kë cï Bɛ̈nydït de rɛm lueel kï an, “Tɛk däŋ bïk keek bɛ nyɔk në yïk, ku abä keek bɛ nyɔk në riäk riääk Ɛn keek, man abï keek aa cɔɔl an kɔc rac, ku cɔl keek an jur ye Bɛ̈nydït gɔ̈th ke keek aɣet athɛɛr.

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Luɔi 16:17

Go wo kuany cök wokë Paulo, en ee nyanë, ke ye cööt an, “Röörkë ayek lïïm ke Nhialic Awärjäŋ, kɔc guïïr wook në kueer ë kunydewëi!”

Luɔi 27:23

Tunynhial aa kääc ë yalɔ̈ɔ̈m wënakɔ̈u, tuny de Nhialic, Nhialic a yɛn lïmde ku ee yen ya lam,

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”