Malakai 3:14 - JAM DE NHIALIC 2011

¹⁴ Acäk lueel an, luɔi luui ë raan Nhialic ee kë cïn naamde, eeŋö buk yök të lueel wok en an loiku ka cï lueel an loi keek? Ku eeŋö buk yök të nyuth wok röt Bɛ̈nydït de rɛm nɔn cï wok piɔ̈ɔ̈th diu në karɛc cuk looi?

Malakai 3:14 ပူးပေါင်းရင်းမြစ်များ

Jop 22:17

Ayek lɛ̈k Nhialic an, nyääŋë wo piny wapäc! Ku eeŋö ee luöi keek Yen Nhialic Awärjäŋ?

Jop 34:9

Arëk aye lueel an, ee këpiɛɛth ŋö, duëër ë raan yök të ciɛkë raan kë de piɔ̈n ë Nhialic looi?

Jop 35:3

ku ŋuɔɔtë ke yï lop an, “Eeŋö ye piath de pïïr adöt, eeŋö bï yiɛ̈n ɛn?”

Yith 43:22

Aye Bɛ̈nydït lueel an, “Ku wek aacï dak në Yɛn, Yithriɛl, yïn aacïï Yɛn ee lam.

Yith 58:3

Go kɔc thiëc an, “Eeŋö ye wok thek të cïï Bɛ̈nydït ye ŋic? Eeŋö ee wok mɔ̈l në cäm të cïï Bɛ̈nydït këda ee woi?” Aye Bɛ̈nydït lɛ̈k keek an, “Yic kï, të ya wek thek, wek ee lɔ ke we kɔɔr kake piɔ̈ɔ̈thkun, ku yak kɔc lui në week yɔŋ.

Jeremia 18:12

Ku abïk bɛ̈ɛ̈r an, “Ei, eeŋö duëër wok ke pɔ̈l? Wok bï nïïm riɛl wodhie ku loiku karɛc cït kë kɔɔrku.’”

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 44:18

Ku gɔl të wään pɛ̈l wok luöi ye wok tiiŋ melik de paannhial nyuöp wal ŋïr, ku pɛ̈lku luöi ye wok yen wäl nɔm mɔ̈u, wok cï nïïn bɛ̈n ciɛ̈n käŋ, ku kɔckuɔ acïk bɛ̈n thou ë tɔŋ ku në cɔk.”

Ɣodh 7:16

Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Dhep 1:12

“Në aköölkë ee manyalath yen abä nööm ku kaar Jeruthalem yic. Ku luöi këtuc kɔc cï piɔ̈ɔ̈th kuɛth ee röt ŋɔ̈ɔ̈th, ee ye lueel an, ‘Acïn kë bïï ë Bɛ̈nydït luöi wook, nɔn yen këpiɛth ku nɔn ee kërac.’

Malakai 3:13

Go Bɛ̈nydït lueel an, “Wek ee Yɛn jääm guöp në jam rac, ku yak bɛ lop an, eeŋö cuk luɛɛl ë Yïguöp?

Jakop 4:9

Jiɛthkï piɔ̈ɔ̈th, ku yak thuc, ku dhiaukï, takï dɔldun puk rɔt aye dhiëëu, ku takï miɛt ë wepiɔ̈ɔ̈th puk rɔt aye jiɛthëpiɔ̈u!