Malakai 3:11 - JAM DE NHIALIC 2011

¹¹ Ku Yɛn cïï käm bï tɔ riäk rɛɛpkun. Ku tiimkuön yak com domic abïk duɔɔny në mïth. Yen kë cïï Bɛ̈nydït de rɛm lueel ka.

Malakai 3:11 ပူးပေါင်းရင်းမြစ်များ

Jeremia 8:13

“Yɛn kɔɔr bä kɔckï määt yiic, cït man ye raan de dom rap kut nïïm, ku acïk ciët tim de enap cïn nɔm mïth, ku cïtkï tim ë ŋaap cïn nɔm mïth, ayï yïthke acïk biɔɔr. Yeka cän kɔc lei tɔ nöm piny.”

Ɣodh 2:21

Ku lueel ë Bɛ̈nydït, an, “Ku në ee köölë, Yɛn bï tënhial piŋ thok, ku tënhial abï piny nɔm piŋ thok. “Ku piny nɔm abï rap piŋ thok, ku piŋ mɔ̈u thok, ku miök, ku abïk piny de Jedhreel jɔ piŋ thok kedhie.

Jowɛl 1:12

Tiim ke enap acïk riɔu, ku biɔɔr tiim ke ŋaap, ku tiim nu ë duum yiic kedhie acïk riɔu: tiim ke pomegraneet, ku akööt, ku tiim ke tupa. Ka kɔc acïkï piɔ̈ɔ̈th be miɛt.

Jowɛl 1:4

An kë cïï luny de kɔyɔm tueŋë both, acïï luny de kɔyɔm bɔ̈ në yecök cam. Ku kë cïï kɔyɔm ye kek rou both, acïï kɔyɔm ye kek diäk cam. Ku kë cïï luny de kɔyɔm ye kek diäk both, acïï luny ye kek ŋuan cam.

Jowɛl 1:7

Acï rɛɛpkï riɔ̈ɔ̈k, ku riäkkï tiimkiën ke ŋaap. Acïk ke ŋööt kɔ̈ɔ̈th, ku wit keek piny ka kërken acïk kɔ̈ɔ̈th yaat.

Jowɛl 2:20

Ku rem de tɔŋ de kɔyɔm wään bɔ̈ të lɔ rut, abä cuɔp wei tëmec ke week, yɛn bï kɔ̈k ɣɛɛt në jɔ̈ɔ̈ric tëril. Abïk nïïm lɔ gut në Wɛ̈ɛ̈r de Amilɔ kɔ̈u baŋ të lɔ aköl amiäk, Ku ka thïk kecök ciëën, abïk ɣet në wɛ̈ɛ̈r tɔ̈u të lɔ aköl athɛ̈i. Aŋuäc de gupken abï dït. Abä ke riɔ̈ɔ̈k në baŋ de kajuëc cïk luöi week.

Jowɛl 2:22

Duökï riɔ̈c läi roor. Ɣään ke nyuäth nu ë jɔ̈ɔ̈ric acïk bɛ tɔ̈c, tiim acïk bɛ luɔk në mïth, yï enap ayï ŋaap acïk bɛ luɔk arëët aya.

Jowɛl 2:25

Wek bä cuöl kakuön cï riääk në run ke luny de kɔyɔm, wään cï rɛɛpkun cam. Ee Yɛn ë tuc week ee rem de tɔŋë.

Amoth 4:9

“Wek cä tuöc käm juëc riäk rɛɛpkun, ku yiën week kɔyɔm riëëk duumkuön ke tiim ëbɛ̈n, tiim ke enap, ayï tiim ke olip. Ku wek ŋoot ke wek kën röt pɔ̈k Ɛn. Kë cïï Bɛ̈nydït lueel ka.

Ɣabakuk 3:17

Na cak ŋaap ku olip nïïm ciën mïth ku cïn duum yiic rap cam, ke yɛn bï ŋoot ke ya mit piɔ̈u në biäk de Bɛ̈nydït, ku na cak thök thou ëbɛ̈n ku cïn ɣɔ̈k nu ë luɛ̈k yiic,

Ɣagai 1:11

Yɛn ë piny tɔ yaak, ayï kur nïïm, ku rɛɛpke, ku duumkuön ke enap, ku duum ke tiim ke olip. Këriëëc nyin ëbɛ̈n, kë ee cil piny, acä tɔ yal, ayï kɔc, ayï ɣɔ̈k, ayï thök.

Ɣagai 2:17

Wek aa tuöc käm riäkkï kakuön cäk com ëbɛ̈n, ku tuöc week wiir tuc thok, ku wek kën we piɔ̈ɔ̈th puk.

Dhek 8:12

Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Nyöŋ 11:14

Na lak looi, abï deŋ tuɔɔc pinydun të kɔɔr ë yen, rut ku anyɔ̈ɔ̈c, aguɔkï nïïm dɛ anyuɔl, ku mɔ̈u, ku miök de Olip,