Malakai 3:10 - JAM DE NHIALIC 2011

¹⁰ Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Malakai 3:10 ပူးပေါင်းရင်းမြစ်များ

Cäk 28:22

Ku kuur cä tɔ ye mënë, abï ya ɣön ë Nhialic. Ku në ka cï Bɛ̈nydït gäm ɛn yiic kedhie, abä puɔ̈k nɔm töŋ thiëër ë käŋ.”

Cäk 7:11

Na ɣɔn, aacï run ke Nowa aa bot kadhetem, në kööl ë ye pɛɛi ye pɛ̈i rou thok thiëër ku dhorou, ke pïïu ë ke tul piny, ku liep tënhial e yic, ku wɛ̈l pïïu piny arëët, liëëpkï në piny nɔm.

2 Mel 7:19

Go bɛ̈ny ë rem de tɔŋ raan de Nhialic bɛ̈ɛ̈r thok an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu. Go Elica bëër an, “Abä tïŋ në yïnyin miäk, ku yïn cïï bï cam thïn.”

2 Mel 7:2

Go raan töŋ ye melik rɔt kan ë yen lɛ̈k raan de Nhialic an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu?” Go Elica lɛ̈k en an, “Abä tïŋ yïn guöpdu miäk ke loi rɔt, ku yïn cïn kuïn töŋ bä cam thïn.”

1 Lëk 26:20

Ku Aɣija raan dhiën de Lebai acï gäm luɔi de wëu ke ɣön ë Nhialic ku luɔi de miɔ̈c cï keek gäm Nhialic, ku ɣööt ye käŋ tɔ̈ɔ̈u thïn.

Neɣe 12:44

Ɣɔn ee thaarë kɔc aake cï gäm muŋ de luɔi de ɣööt ye käŋ tɔ̈ɔ̈u ka ye juɛ̈ɛ̈r Luaŋdït, në töŋ ë thiëër, ku rɛɛp cï kɔn luɔk ku kake ee luɔk në ruöön thok ëbɛ̈n. Kɔckë acï ke gäm riɛl bï kek käŋ aa tɔ kut në duum thiääk në wuöt, ka ye juɛ̈ɛ̈r bäny ke kake Nhialic ku kɔc ke Lebai cït kë kɔɔrë löŋ. Kɔc ke Juda kedhie aake cï piɔ̈ɔ̈th miɛt në bäny ke kake Nhialic ku kɔc ke Lebai,

Neɣe 12:47

Kɔc ke Yithriɛl kedhie në akööl ke Dherubabel kekë Neɣemia aake ye miɔ̈c de miɛtëpiɔ̈u aköölnyïïn gäm kɔc ee ket, ku kɔc ee Luaŋdït tiit thok, ku kɔc aake ye kɔc ke Lebai gäm miɔ̈c ɣeric ku be kɔc ke Lebai biäk ke bäny de kake Nhialic kɔɔr rɔt gäm keek.

Neɣe 13:5

Ago Tobia päl ɣön dïït ë ye miɔ̈c ë rap, ku wal ŋïr, ku kakë luɔi ë Luaŋdït tɔ̈ɔ̈u thïn, ku miɔ̈c ke bäny ke kake Nhialic, ku miɔ̈c de töŋ ë thiëër ke rap, ku mɔ̈u, ku miök de olip ye gäm Lebai ku kɔc ee ket Luaŋdït ku kɔc ee Luaŋdït tiit thok.

Diɛt 37:3

Ye Bɛ̈nydït ŋɔ̈ɔ̈th ku loi këpiɛth, ceŋ ee pinyë në pialëguöp.

Diɛt 78:23

Go jam kekë tënhial nhial, ku yɔ̈ɔ̈k keek bïk kethook liep.

Wɛ̈ɛ̈t 11:3

Na cï luäät thiäŋ ë pïïu, aye wäl ë piny nɔm, ku na cï tim wïïk të lɔ wöuwic, ku nɔn ee të lɔ rut, të cï yen wïïk thïn, yen aye yen tɔ̈u thïn.

Edhekiɛl 34:26

“Abä ke thieei ku ta ke rɛ̈ɛ̈r në kuurdiën ɣeric lɔ̈ɔ̈m. Abä ke jɔ thieei në nyieer ke deŋ ëtɛ̈ɛ̈n të kɔɔr kek en.

Edhekiɛl 44:30

Bäny ke kake Nhialic abï keek aa gäm këpiɛth de këriëëc cï kɔn luɔk ëbɛ̈n, ku lɔ ka kɔ̈k cï gäm yɛn. Në akööl ye kɔc kuïn cï pam nyop, kɔc abïk kuïn cï pam tueŋ ë nyop gäm bɛ̈ny de kake Nhialic, ke ye miɔ̈c, ku athiɛɛidï abï lɔ̈ŋ ë ɣöötken yiic.

Ɣodh 2:21

Ku lueel ë Bɛ̈nydït, an, “Ku në ee köölë, Yɛn bï tënhial piŋ thok, ku tënhial abï piny nɔm piŋ thok. “Ku piny nɔm abï rap piŋ thok, ku piŋ mɔ̈u thok, ku miök, ku abïk piny de Jedhreel jɔ piŋ thok kedhie.

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Jowɛl 2:24

Ku yiukun abïk thiäŋ në rap, ku thiäŋ tönykun abïk nïïm lɔ wei në mɔ̈u ku miök.

Lebai 26:10

Wek bï aa ŋoot ke we cam rɛɛp ke ruöön wään, ku abäk keek aa bɛ̈ɛ̈i bei, bä wek të bïï rɛɛp ë piac luɔk tääu thïn.

Lebai 26:3

Na lak wëëtdï kuany cök ku yak lööŋkï riëëu apiɛth

Lebai 27:30

Ku këriëëc ye käŋ thiëër ëbɛ̈n, kake piny, na ee rap ë lok piny. Ku na ee mïth ke tiim, ayek kakë Bɛ̈nydït, ee kë ɣeric tëde Bɛ̈nydït.

Ɣagai 2:19

Ŋoot kɔ̈th ë ɣööt yiic? Ŋoot tiim ke ke kën luɔk? Tiim ke enap, ku tiim ke ŋaap, ku tiim ke pomegraneet, ku tiim ke olip. Wek bä thieei gɔl ee köölë le tueŋ.

Kuɛ̈n 18:21

Go Bɛ̈nydït lueel an, “Miɔ̈c de ke thiëër ë käŋ ye Yithriɛl gäm Ɛn, acä gäm Lebai ke ye kë bïk lak. Yen ariöpden ka në biäk de luɔidɛn yek looi në paany de mätic.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.

Nyöŋ 14:22

“Yak töŋ de thiëër tɔ̈ɔ̈u pei, töŋ de thiëër ë kak ee luɔk domdu kedhie ë ruöön thok ëbɛ̈n.

Nyöŋ 14:29

Kek ee kacaamkë ayek kakë Lebai, në biäk cïn kek nïïm kake naamden, ku ayek kake kɔc lei, ku mïth abɛɛr, ku tiiŋ abaar rɛ̈ɛ̈r në wuötkuniic. Abïk dhil bɛ̈n ku nömkï kë kɔɔrkï ëbɛ̈n. Luɔikï ee kënë, ku Bɛ̈nydït Nhialicdun abï week thieei në këriëëc yak looi yic ëbɛ̈n.

Nyöŋ 28:12

Abï week yiɛ̈n deŋ në aköölkë yiic, në adhaandɛn nu tënhial, ku thieei luɔidun ëbɛ̈n, ka wek bï juöör juëc aa dhɛ̈ɛ̈n, ku wek cïï bï aa dhëën tëde kɔc.