Malakai 2:7 - JAM DE NHIALIC 2011

⁷ Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Malakai 2:7 ပူးပေါင်းရင်းမြစ်များ

2 Mel 16:11

Go Yuria bɛ̈ny de kake Nhialic yïk yïk ke thɔ̈ŋë yïŋ ë lëk Aɣadh yen ë Damathko në këriëëcic ëbɛ̈n, go Yuria yïk looi, ke melik Aɣadh ŋoot ke kën e nɔm pɔ̈k ciëën.

2 Mel 16:16

Go Yuria bɛ̈ny de kake Nhialic looi cït kë cïï melik lɛ̈k en.

2 Lëk 30:22

Go Melik Ɣedhekia kɔc ke Lebai leec në luɔi cïk kek läm de Bɛ̈nydït ŋiëc guiir. Na wën aa cï nïn kadhorou wan të wään gɛm kek miɔ̈c de mät leec kek Bɛ̈nydït, Nhialic de kuarken,

2 Lëk 31:4

Ku në ee kënë cök, go melik kɔc ke Jeruthalem yɔ̈ɔ̈k bïk miɔ̈c ye gäm Lebai ku bäny ke kake Nhialic bɛ̈ɛ̈i, miɔ̈c ee këden, yen abïk kek röt gäm luɔi de wëët de löŋ ë Bɛ̈nydït.

Edhr 7:10

në biäk cïï Edhera lööŋ ke Bɛ̈nydït dhel ë yepiɔ̈u, ago keek aa cätiic ku döt keek, ku wëët kɔc ke Yithriɛl në lööŋ.

Edhr 7:25

“Ku yïn, Edhera, cït man tɔ̈u pɛlënɔm de Nhialicdu ke yïn, yïn bï bäny ee löŋ guiir kuany, ku bäny nu në kɔc nïïm kedhie, kɔc rɛ̈ɛ̈r ë wɛ̈ɛ̈r ë Yuparat lɔŋ tui, kɔc ŋic lööŋ ke Nhialic, ku kɔc kuc keek abä ke dhiɛl aa wɛ̈ɛ̈t.

Kɛ̈ŋ 5:2

Ku ëtɛ̈ɛ̈n, yïn bï rɔt ŋiëc kiɛm piny, ku kë ye lueel abï kë ŋic nyuɔɔth.

Wɛ̈ɛ̈t 5:5

Apiɛth cïï gutguut bï lueel, gutguut cïï bï looi.

Yith 42:19

De raan cï cɔɔr awär awundï, ku nɔn ee raan cï miŋ wär tuny cä tooc? Eeŋa cï cɔɔr cït raandiën cï rɔ gam; ku nɔn cï cɔɔr cï awun de Bɛ̈nydït?

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Danyel 11:33

Bäny pelnïïm ke kɔc abïk pɛlënɔmden rɔm në kɔc juëc kɔ̈k. Ku të thiinë kɔc kɔ̈k në keyiic abïï keek nɔ̈k tɔŋ, ku näk kɔ̈k në many dɛ̈p, ku kɔ̈k abï keek peec ke ke mac.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Lebai 10:11

Yïn bï kɔc dhil wɛ̈ɛ̈t në lööŋ kedhie, lööŋ wään gëmë Bɛ̈nydït Mothe.”

Dhep 3:4

Ku tïtke acïï ke duëërë ŋɔ̈ɔ̈th, kɔc ee mɛth. Ku bänykɛn ke kake Nhialic ayek kaɣeriic dhiöök, ku dhoŋkï löŋ kɔ̈u në ruëëny.

Ɣagai 1:13

Na wën, ke Ɣagai tuny guïïr kɔc jam ë Bɛ̈nydït, lëk keek an, “Acï Bɛ̈nydït lueel an Yɛn bï tɔ̈u wo week.

Dhek 7:3

Ku abïk bäny ke kake Nhialic de Luaŋdïït de Bɛ̈nydït de rɛm luɔp, ku lopkï tït an, “Buk ŋoot ke wo dhiëëu riääk në thɛ̈k ye wok thek në pɛɛi ye pɛ̈i dhïc cït man wään ye wok cool ë thëk ë caŋ wään?

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

Jɔn 13:20

Wek yɔ̈ɔ̈k ëyic an, “Raan gam raan bä tooc, ka gam ɛn, ku raan gam ɛn, ka gam raan ë toc ɛn.”

Jɔn 20:21

Go Yecu ke bɛ yɔ̈ɔ̈k an, “Ë mät tɔ̈u ke week, cït man cï Wäär a tooc, yen atuɔɔc ɛn week aya.”

Luɔi 16:17

Go wo kuany cök wokë Paulo, en ee nyanë, ke ye cööt an, “Röörkë ayek lïïm ke Nhialic Awärjäŋ, kɔc guïïr wook në kueer ë kunydewëi!”

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.

Galatai 4:14

Ku thëm cï a them ë guöpdï yic akɛ̈nkï biɔɔn, ku we kën a koon, we cï a riëëu cït tuny de Nhialic ku ciët Kërtho Yecu guöp.

Nyöŋ 21:5

Ku bäny ke kake Nhialic de Lebai abïk lɔ ëtɛ̈ɛ̈n ayadäŋ, në biäk bïï kek löŋ teem, löŋ de yic tɔŋ. Acïï Bɛ̈nydït Nhialicdun keek lɔc, bïk Yen luöi ku bïk athiɛɛi aa lueel në rinke.

Nyöŋ 24:8

“Të de yen raan cïï ë wɛth dɔm, në them apiɛth bïï kë lëk ë Lebai yen looi, bäny ke kake Nhialic, ku kuanykï wɛ̈ɛ̈t cä gäm keek cök.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Tham 2:17

Kërɛɛc de wɛ̈ɛ̈t ke Eli, acïk rac arëët ë Bɛ̈nydït nɔm, në biäk ye kek miɔ̈c cï gäm Bɛ̈nydït looi në kueer cïn yic riëëu.