Malakai 2:6 - JAM DE NHIALIC 2011

⁶ Aake ye wëët në yith, ku acïn lueth ë yek töör. Aake ye cath në Yɛn apiɛth, ku loikï yith. Agokï kɔc juëc tɔ päl karɛcken.

Malakai 2:6 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

Diɛt 119:142

Ku piathëpiɔ̈ndu abï tɔ̈u aɣet athɛɛr, ku löŋdu yen aye yic.

Diɛt 119:151

Ku Yïn thiɔ̈k ë yalɔ̈ɔ̈m Bɛ̈nydït, ku lööŋku kedhie ayek tɔ̈u tëden ë caŋɣɔn.

Diɛt 37:30

Thoŋ de raan piɛthpiɔ̈u ee jam në pɛlënɔm, ku liemde ee yic lueel.

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Kɛ̈ŋ 5:2

Ku ëtɛ̈ɛ̈n, yïn bï rɔt ŋiëc kiɛm piny, ku kë ye lueel abï kë ŋic nyuɔɔth.

Jeremia 23:22

Ku na ë ke cï kɔ̈ɔ̈c në löŋdï yic, adï cïk jamdï lɛ̈k kɔckï, ku adï cïk luɔidɛn rac yek looi pɔ̈l, ku pɛ̈lkï karɛc yek looi.

Danyel 12:3

Ku bäny Pelnïïm abïk lɔ riauriau në gëlgël de paannhial ëbɛ̈n, ku kɔc cï kɔc juëc wëët në luöi bï kek piathëpiɔ̈u aa looi, abïk riau cï kuɛl aɣet athɛɛr.”

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Mak 12:14

Na wën, ë ke bɔ̈, bïk ku luelkï an, “Bɛ̈ny ë wëët, yïn ŋicku nɔn ee yïn yic lueel, ku acïn raan bï yïn riɔ̈ɔ̈c ë ye, yïn cïï kɔc ë woi gup biic tei, yïn ee kɔc wɛ̈ɛ̈t ë kueer ë Nhialic në yic. Cï päl wook nɔn bï wok Kaithar aa kuöt athölbö, ku cie ye?”

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 20:21

Gokï thiëëc an, “Bɛ̈ny ee wëët, yïn ŋicku nɔn ee yïn käŋ lueel apiɛth ku wɛ̈ɛ̈të kɔc apiɛth, ku cïï kɔc ee kuany yiic, ku ye kɔc wɛ̈ɛ̈t ë kueer ë Nhialic në yic.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Nyöŋ 33:10

Abïk mïthku wɛ̈ɛ̈t bïk löŋdu aa riëëu. Abïk miɔ̈c de wal ŋïr ku miɔ̈c ye nyop aa gam në yïïŋdï kɔ̈u.

Nyöŋ 33:8

Ku lueel jamë në biäk de dhiën de Lebi an: “Yïn Bɛ̈nydït, nyuɔɔthë këde piɔ̈ndu në Yurim kekë Thumim në kueer de lïïmkuön piɛthpiɔ̈ɔ̈th, kɔc ke Lebai. Acï keek them në Matha. Ku yök keek ke ke loi yic në pïïu ke Meriba lɔ̈ɔ̈m.

Nyöŋ 33:9

Acïk riëëudɛndït nyuöth yïn, awär riëëu rïïu kek kɔcken ayï mïthëkɔcken ayï mïthken, acïk lööŋku riëëu ku aake piɛthpiɔ̈ɔ̈th në mändu.

Nyuuth 14:5

Ku acïn luenh cï yök ë kethook: atɔ̈ukï ë thöönydïït ë Nhialic nɔm ke ke cïn gäŋ duëërë ke gɔ̈k.

1 Tham 2:12

Wɛ̈ɛ̈t ke Eli ayek kɔc ee karɛc looi. Acïkï jam ë Bɛ̈nydït ee piŋ,