Malakai 1:8 - JAM DE NHIALIC 2011

⁸ Go Bɛ̈nydït de rɛm lueel an, Nɔn ya wek weŋ cɔɔr gam ke ye miɔ̈c, kënë yak tak cie awäc? Ku ee nɔn ya wek thɔ̈ɔ̈k ŋɔl gam, ku nɔn yen thɔ̈ɔ̈k de guöp jɔk, kënë yak yök cie awäc? Thɛmkï da, bäk ɣɔ̈k cït keek gäm bɛ̈nyduön mac week! Yak yök duëër piɔ̈u miɛt ke week? Duëër keek gam tëde week?

Malakai 1:8 ပူးပေါင်းရင်းမြစ်များ

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Diɛt 20:3

Abï miɔ̈cdun gam ëbɛ̈n, ku mit piɔ̈u kekë ka yak näk En.

Jeremia 14:10

Aye Bɛ̈nydït lueel në biäk ee kɔckë an, “Ayek nhiaar bïk kat ë Yɛn, ku acïkï röt bï tiit. Ka Yɛn cïï piɔ̈u mit wo keek. Yɛn bï ka cïk wööc tak, ku luöi keek këtuc ë biäk de karɛcken.”

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Malakai 1:7

Ku wek ee miɔ̈c cï dhiöök gam në yïïŋdï nɔm. Ku luɛlkï an, ‘Cuk yïk dhiöök adï?’ Wek cï yïïŋdï tɔ ye ɣɔ̈ric.

Nyöŋ 15:21

Ku na de lɛ̈i guöp tëdak, na yek ŋöl, ku nɔn yek cöör, ku nɔn de tëdak në kegup aläl, acäkkï keek bï dhil näk Bɛ̈nydït Nhialicdun.