Malakai 1:6 - JAM DE NHIALIC 2011

⁶ Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Malakai 1:6 ပူးပေါင်းရင်းမြစ်များ

Diɛt 123:2

Cït man ye lïm bɛ̈nyde woi nyin, ku cït man ye nyan lui tiiŋ lui kek woi nyin, yen acït luɔi ye wok Yïn woi nyin Bɛ̈nydït Nhialicda, aɣet të bï Yïn piɔ̈u kok we wook.

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Kɛ̈ŋ 17:6

Kɔcdït ayek aa dhuëëŋ në mïth ke mïthken, ku mïth ayek kenïïm lɛc në wärken.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 43:23

Yïn aacïï Yɛn ee yiɛ̈n amɛ̈l ke miɔ̈c ye nyop ëbɛ̈n, wek kën Ya dhuëëŋ guöp në miɔ̈c ye nɔ̈k. Wek kën jut gup bä miɔ̈c thiëëc tëde week nɔn ta we bäb në thiëc de wal ŋïr.

Yith 45:10

Amawoou në raan ee ye lɛ̈k kɔc ë dhiëëth en, “An eeŋö cak wek ɛn aya?”

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Yith 64:8

Ku yïn ee wääda, Bɛ̈nydït. Wok cït tiɔp tei ku yïn ee cuëny de töny. Ee yïn aa cak wook,

Jeremia 23:11

Aye Bɛ̈nydït lueel an, “Tït ku bäny ke kake Nhialic akuckï Nhialic, acä keek dɔm ke ke loi kërac ë Luaŋdït guöp.

Jeremia 3:4

“Ku ënɔɔnë acï lɛ̈k ɛn an, ‘Ya wuur, ku yïn nhiaar ɛn ë caŋɣɔn aa yɛn meth.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jeremia 35:16

Mïth ke wɛ̈ɛ̈t ke Jonadap acïk lööŋ cïï kuarken gäm keek riëëu, ku wek ee kɔckë wek kën Ya riëëu.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Ɣodh 12:8

Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 5:1

“Piɛŋkï ee kënë apiɛth, wek bäny ke kake Nhialic. Pälkï weyïth piny, baai de Yithriɛl! Piëŋkï baai de melik! Ee yïn ade ee këtucë! Yïn cï rɔt tɔ ye wïn ë dɛ̈p në Midhepa, ku tɔ rɔt ee bɔi në kuur de Tabor nɔm.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Dhep 3:4

Ku tïtke acïï ke duëërë ŋɔ̈ɔ̈th, kɔc ee mɛth. Ku bänykɛn ke kake Nhialic ayek kaɣeriic dhiöök, ku dhoŋkï löŋ kɔ̈u në ruëëny.

Malakai 2:1

Ku wek bäny ke kake Nhialic.

Malakai 2:10

Go Malakai lɛ̈k kɔc ke Yithriɛl an, “Wääda cie tök wodhie? Cie Yen ë Nhialic töŋë, Yen ë cak wook wodhie? Ka eeŋö tɔ we dhoŋ löŋ cïï Nhialic gäm wärkuɔ kɔ̈u, wek kën kapiɛth ŋiɛckï an duɛ̈ɛ̈rkï ke luöi röt në kɛmkun wapäc looi?

Malakai 2:8

Acï Bɛ̈nydït de rɛm lueel an, “Ku ënɔɔnë, wek bäny ke kake Nhialic, wek ë röt yal wei në kueer yic yic. Ku wëëtdun ë kɔc juëc thɛl ë luɔi de karɛc yiic. Wek ë löŋ wään cä mac wokë kuarkun Lebai dhoŋ kɔ̈u.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 15:4

Acï Nhialic lueel an, “Ye wuur riëëu kekë moor, ku an, ‘Raan ë jam rac lueel ë këde wun ayï man, në thou ë thonde.’

Math 15:6

ka cïn kë cï wööc, të cïï en wun ee riëëu ayï man. Yen acä wek jam ë Nhialic tɔ ye ɣɔ̈ric në löŋduön thɛɛr.

Math 19:19

Ye wuur riëëu kekë moor ku nhiaar raan rɛ̈ɛ̈r kekë yïn, cït man nhiɛɛr yïn rɔt.”

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Math 7:21

Acie raan ëbɛ̈n raan ee ye lueel, an, Bɛ̈nydït, Bɛ̈nydït, yen bï lɔ ë ciɛɛŋ de Nhialic, ee raan ë këde piɔ̈u ë wäär looi, wäär nu paannhial yen abï lɔ.

Mak 10:19

Yïn ŋic cök ke lööŋ an, ‘Du lɔ wekë tiiŋ lei, du raan däŋ näk abï thou, du ye kual, du kɔc ee cäk thook, du kɔc ee cam, ye wuur riëëu kekë moor.”’

Mak 7:10

Acï Mothe luel an, Ye wuur riëëu kekë moor, ku an, Raan ee wun lɛ̈k kërac ayï man, ke näkkï abï thou.’

Luk 10:29

Go kɔɔr luɔi bï en rɔt kɔl, en ee raanë, ku jɔ Yecu thiëëc an, “Ku raan rɛ̈ɛ̈r ke yɛn yen eeŋa?”

Luk 18:20

Yïn ŋic cök ke lööŋ an, ‘Du diëër lei ee kɔɔr, du ye näk, du ye kual, du ye ya cäätɔ alueeth, ye wuur riëëu ayï moor.”’

Luk 6:36

Yak piɔ̈ɔ̈th kok cït man ee Wuöördun piɔ̈u kok.

Luk 6:46

Ku eeŋö caal wek ɛn an, “Bɛ̈nydït, Bɛ̈nydït, ku cäkï ka luɛɛl ee looi?

Epethiei 6:2

Ye wuur riëëu kekë moor (kënë ee cöök tueŋ ë löŋic cöök de yic jam de kë bï gäm raan),

Nyöŋ 1:31

Ku wään ë jɔ̈ɔ̈ric acäk tïŋ ɣɔn ɣɛ̈ɛ̈cë Bɛ̈nydït Nhialicdun week, cït man ee wun meth wënde ɣääc, ku wek cï piny caath abäk jɔ ɣëët ee tënë.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.