Mak 7:9 - JAM DE NHIALIC 2011

⁹ Go ke yɔ̈ɔ̈k an, “Thieithieei, rɛɛc aa wek löŋ ke Nhialic rɛɛc, luɔi bä wek ciɛɛŋduön thɛɛr aa döt!

Mak 7:9 ပူးပေါင်းရင်းမြစ်များ

Diɛt 119:126

Bɛ̈nydït, kaam bï yïn luui acï bɛ̈n, në biäk reec ë kɔc löŋdu.

Yith 24:5

Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Mak 7:13

Aguɔkï jam ë Nhialic tɔ cïn naamde në ciɛɛŋduön thɛɛr: ku yak kajuëc cït ëkake looi ayadäŋ.”

Mak 7:3

Ku Parithai, kekë Judai ëbɛ̈n, acïkï ye cam, të ŋoot kek ë ke kën kecin piny arëët, amukkï ciɛɛŋ thɛɛr ë röördït:

Mak 7:5

Na wën, ke Parithai ku kɔc ee löŋ gɔ̈ɔ̈r ke thiëckï an, “Na kɔckuön ë piööcë, eeŋö reec kek cieŋ thɛɛr ë röördït, ku yek kuïn cam ke ke kën kecin piny?”

Romai 3:31

Ënɔɔnë, yok löŋ tɔ cïn naamde në gäm? Ei! Acie yen, wok tɔ löŋ kääc apiɛth.

2 Kor 11:4

Ku na raan bɔ̈ ënɔɔnë, tën ee yen këde Kërtho däŋ guiir, Kërtho kën wo këde guiir, ku të yök wek wëi mɛɛn wëi kɛ̈nkï yök wään, ayï wëlpiɛth mɛɛn wël kɛ̈nkï gam wään, aduɛ̈ɛ̈rkï yiɛ̈n guum apiɛth.

Galatai 1:14

ku yɛn ë kɔc juëc rïïc wok wöör në läm de Judai, luɔi aa yɛn yic lɛ̈th aläl ka wäär keek në ciɛɛŋ thɛɛr ë kuarkuɔ.

Galatai 2:21

Yɛn cïï dhuëëŋ de Nhialic piɔ̈u ee tɔ cïn naamde: ku të bï piathëpiɔ̈u tëde löŋ, ke thon ë thouwë Kërtho ee ɣɔ̈ric!

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.