Mak 2:13 - JAM DE NHIALIC 2011

¹³ Na wën, ke be lɔ biic le ë Baar ë Galili yɔu, ku bɔ̈ kut ë kɔc ëbɛ̈n të nu yen, go ke wɛ̈ɛ̈t.

Mak 2:13 ပူးပေါင်းရင်းမြစ်များ

Math 13:1

Ëköölë guöp, ke Yecu jël ɣööt, le nyuc ë wɛ̈ɛ̈r yɔu.

Math 9:9

Na wën, acï Yecu jäl ëtɛ̈ɛ̈n, ke tïŋ raan cɔl Mathayo, arɛ̈ɛ̈r ë maktap de athölbö yic, ago Yecu yɔ̈ɔ̈k an, “Kuany a cök.” Go rɔt jɔt, ku kuɛny cök.

Mak 1:45

Ku yen, të cï en lɔ biic, ke jɔ jam lueel arëët, abï thiëi ë piny nɔm, arëk acïn të duëërë Yecu bɛ lɔ pänydït ë kɔc nyïïn, ku ye tɔ̈u röör ë jɔ̈ɔ̈ric: go kɔc bɛ̈n të nu yen ë baai yic ëbɛ̈n.

Mak 10:1

Na wën, ke jël ëtɛ̈ɛ̈n, bï piny de Juda ë Jordan nɔm lɔŋtui. Go kuut ke kɔc bɛ guëër të nu yen, go keek bɛ wɛ̈ɛ̈t, cït man ë täudɛn thɛɛr.

Mak 2:2

Go kɔc juëc dap guëër ɣöt, arëk acïn të lääu be nu, acakaa ɣöt thok aya, acïn të lääu: go ke guiëër wël.

Mak 4:1

Na wën, ke be wëët gɔl ë Baar ë Galili yɔu. Ku kut dïït ë kɔc acïk guëër të nu yen, ago lɔ ë abëlic, ku rëër ë abëlic wïïr, ku nu kut dïït ë kɔc ëbɛ̈n ë wɛ̈ɛ̈r yɔu biic.

Luk 19:48

Ku acïn kë cïk yök kë bïk looi: kɔc ëbɛ̈n ayek gɛ̈ɛ̈k ë yelɔ̈ɔ̈m, ke ke piŋ wëlke.

Luk 21:38

Go kɔc aa riëël miäk ëtɛ̈ɛ̈n kedhie bïk tëde yen ë Luaŋdïtic, bïk këde bɛ̈n piŋ.