Mak 13:9 - JAM DE NHIALIC 2011

⁹ “Ku week, yak röt tiit: we bï aa lɛɛr ë lööŋ nïïm, ku leerë week ë ɣööt ke Nhialic yiic, ku we bï aa dui, ku we bï bɛ̈ɛ̈i ë bäny ceŋ piny nïïm ayï meliik nïïm në biäkdï, abäk aa cäätɔɔkï ë kenïïm.

Mak 13:9 ပူးပေါင်းရင်းမြစ်များ

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Mak 1:44

yöök an, “Tit rɔt, ë cïn kë lɛ̈kë raan däŋ: lɔ kueerdu, nyuöthë rɔt bɛ̈ny ë ka ke Nhialic, ku gämë ka cïï Mothe thɔn, në baŋ de waar cï yïn guöp waar, abï aa ŋïny bï kek e ŋic.”

Mak 13:5

Go Yecu jam gɔl an, “Yak röt tiit ke cïn raan bï we math.

Mak 13:8

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë: ku piny abï rɔt niɛŋ tɛ̈ɛ̈n ku tɛ̈ɛ̈n, cɔŋdït abï aa nu, ayï kak ë kɔc tɔ diɛɛr: kakë ayek ciët kɛ̈c de tiiŋ kɔɔr dhiëth.

Mak 6:11

Ku na de kɔc reec week nyuööc, ku reeckï këdun piŋ, të jäl wek ëtɛ̈ɛ̈n, ke we jɔ abuui nu ë wecök teŋ, abï aa cäätɔ de ater ke keek. Wek yɔ̈ɔ̈k ë yic an, “Këtuc bïï Thɔdom yök ayï Gomoora ëkööl ë guiëërëlöŋ acïï bï kït kekë këtuc bïï pänydïïtë yök!”

Luk 9:5

Ku na de kɔc reec week nyuööc, të jäl wek paanden, ke we teŋ abuui wei ë wecök, abï aa cäätɔ bï dɛ ater ke keek.

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Luɔi 21:11

Na wën, ke bɔ̈ të nu wok, bï ku nööm thiön wën ee Paulo e yic duut, ku duut rɔt, cin ku cök, ku jɔ lueel an, “Në Wëidït ɣer alëyɔ̈ɔ̈ an: Raan de ye thiönë abïï Judai nu ë Jeruthalem duut aya, ku jɔkï yiɛ̈n Juöör.”

Luɔi 7:54

Na wën, aa cïk kake piŋ, ke ke guutë piɔ̈ɔ̈th, agokï kelec reem ë yenɔm.

Luɔi 9:16

Ku abä nyuöth kajuëc bï dhil guum në baŋ de rinkï.”

Pilipoi 1:29

Acï aa këdun ë biäk aa wek Kërthiaan, acie luɔi bä wek këde Kërtho gam tei, ee luɔi bä wek kërac aa guum aya në biäkde.

2 Theth 1:5

Ku kënë ee ŋïny bä wek guiëër ee Nhialic löŋ guiir ŋic ëgɔk, nɔn ee yen guiëër yic, ee kë bï we tɔ ye kɔc rɔ̈ŋ në ciɛɛŋ de Nhialic aa wek kake guum në biäkde aya:

2 Jɔn 1:8

Yak röt tiit, ke wo cïï ka cuk looi bï mɔ̈ɔ̈r, ke wo bï ariöp yök ëbɛ̈n acïn kë liu.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.