Mak 1:10 - JAM DE NHIALIC 2011

¹⁰ Na wën, ënɔntöŋ ë bïï en biic ë pïïu yiic, ke tënhial ë liep yeyic, ku tïŋ Wëidït ɣer abɔ̈ piny nhial lekï ë yeguöp acït guöp guuk.

Mak 1:10 ပူးပေါင်းရင်းမြစ်များ

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 64:1

Eeŋö cïï yïn paannhial retic ku bä piny? Kur aduëërkï yïn tïŋ ku lɛthë keek në riɔ̈ɔ̈c.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Math 3:16

Na wën, acï guɔ baptith, ke Yecu bɔ̈ bei ë pïïu yiic ënɔɔnthiinë, na wën, dï, ke tënhial liep eyic en, ago wëi ke Nhialic tïŋ ke ke lööny piny ke cït guöp guuk, bï ku nyuuc ë yenɔm,

Mak 1:11

Ku bɔ̈ röl paannhial an, “Yïn ee Wëndiën nhiaar, Yɛn mit piɔ̈u wo yïn arëët.”

Mak 1:9

Na wën, ë aköölkë, ke Yecu bɔ̈ Nadhareth de Galili, ago baptith ë Jɔn ë Jordanic.

Luk 3:22

go Wëidït ɣer lööny ë yeguöp, ke cït guöp guuk, ku bɔ̈ röl paannhial, röl lueel en an, “Yïn ee Wëndiën nhiaar, yɛn mit piɔ̈u wokë yïn arëët.”