Maika 7:9 - JAM DE NHIALIC 2011

⁹ Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Maika 7:9 ပူးပေါင်းရင်းမြစ်များ

2 Tham 24:17

Na wën aa tïŋ Debid tunynhial wën näk kɔc, go lɛ̈k Bɛ̈nydït an, “Ee yɛn ë loi kërac. Ee yɛn cï awäc looi. Eeŋö cïï ë kɔc kuany nyïïnkë looi? Yïn duëër ya luöi këtuc wokë kɔc ke dhiëndï.”

Jop 23:10

Ku Yen aŋic të nu yɛn, na le ya them, abï ya yök ke ya lɔ gɔk cït adhääp.

Jop 35:14

Na Jop, ye lueel an cï Nhialic duëër tïŋ, pälë rɔt piny ke yï tit göönydu në Yenɔm.

Diɛt 119:154

Gël yicdï, ku gämë yɛn nɔm lääu, kony yɛn, cït man cï yïn gutguut lueel.

Diɛt 37:6

abï piathëpiɔ̈ndu tɔ riau cït man akɔ̈l, ku riau yicdu cït man aköl athɛ̈i.

Diɛt 43:1

Nhialic, tɔ yɛn ee raan cïn guöp awäc, ku kony göönydï, tëde kɔc kuc Nhialic, kony ɛn në kɔc ee kɔc math ku kɔc ee karɛc looi!

Diɛt 7:6

Yïn Bɛ̈nydït jɔt rɔt! Kääcë nhial ke Yï cï gɔ̈th, ku riäk tuöc ë piɔ̈u de kɔc ke aterdï, Jɔt rɔt ku kony ɛn, Ee yic yen ye kɔɔr,

Diɛt 94:15

Në biäk bïï ë yic rɔt pɔ̈k kɔc piɛthpiɔ̈ɔ̈th, ku kɔc lɔ piɔ̈ɔ̈th wai kedhie abïk gam.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 42:7

Yïn bï kɔc cï cɔɔr liep nyïïn ku lony kɔc cï mac në ɣööt ke döm col yiic.

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 51:22

Bɛ̈nydït Awärjäŋ ee we kony ku lueel an, “Yɛn bï abïïny nyaai abïïny wään cä gäm week në agönhdï. Wek cïï bï bɛ dek ë mɔ̈n ee week tɔ tuëk.

Yith 56:1

Aye Bɛ̈nydït lɛ̈k kɔcke an, “Luɔikï ke röŋ ku ye yic, në biäk bïï Yɛn we kony në ee nïn lik bï bɛ̈në, ke piathëpiɔ̈ndï bï rɔt nyuɔɔth.

Jeremia 10:19

Kɔc ke Jeruthalem ayek dhiau an, “Amawoou, wok cï yiëk gup bɔ̈ɔ̈t arëët! Bɔ̈ɔ̈tkuɔ acïkï bï dem. Aa yok tak an ee kë buk guum!

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Jeremia 51:10

Aye Bɛ̈nydït lueel an, “Kɔckï ayek cööt an, ‘Acïï ë Bɛ̈nydït nyuɔɔth nɔn cï wok yic looi. Lokku buk lɔ lëk kɔc nu ë Jeruthalem yen kë cï Bɛ̈nydït Nhialicda looi.’ ”

Dhiëëu 1:18

“Ku Bɛ̈nydït apiɛth piɔ̈u, në biäk kɛ̈n ɛn En riëëu guöp. Piɛŋkï këdï, wek kɔc ceŋ piny nɔm ëbɛ̈n, tiëŋkï yɛn në arɛɛmdï yic. Dhuökï ku duetkï acï keek jɔt ke ke cï peec.

Lebai 26:41

Yen kën ë tɔ ya loi ater wo keek, aguɔ keek tuɔɔc piny de kɔc de kek ater. Ku të le piɔ̈ɔ̈thkɛn kën ë cueel röt kuɔɔr piny ku cuɛtkï ariöp de karɛcken piny.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

1 Tham 24:15

Bɛ̈nydït abï raan de guöp awäc tïŋ në wo yiic. Abï löŋdï tïŋ ku dɔm aril, abï yɛn thieei ku luɛ̈k ɛn në yïcin.”

1 Tham 25:39

Na wën, aa piŋ ë Debid nɔn cï Nabal thou, go lueel an, “Athiɛɛi abï tɔ̈u kekë Bɛ̈nydït, në luɔi cï yen göönydï lueel wokë Nabal, raan wään yɔŋ ɛn. Acï lïmde tiit ke cïï kërac bï looi, ku tɔ karɛc ye Nabal ke looi lööny në yenɔm yetök.” Na wën ke Debid ë tɔ thok lɔ tëde Abigail, luɔi kɔɔr en en bïï ya tiiŋde.

1 Tham 26:10

Go Debid ŋoot ke jam an, “Në rin ke Bɛ̈nydït pïïr, aŋiɛc nɔn bïï Bɛ̈nydït guöp Thaulo nɔ̈k, nɔn bïï thou miäk të cïï köölde bɛ̈n, ku nɔn bï guɔ nɔ̈k në tɔŋic.

1 Tham 3:18

Ago Thamwɛl ye lɛ̈k këriëëc ëbɛ̈n, abïï ciën kë dɔ̈ŋ. Na wën ke lueel an, “Yen ee Bɛ̈nydït, abï këdɛn cï tïŋ ke piɛth looi.”