Maika 7:6 - JAM DE NHIALIC 2011

⁶ Mïth röör ayek tɔ̈u ke ke dhɔt wärken, ku duet abïk röt jɔ̈t märken, ku diäär kor abïk aa gɔ̈m në märken ke röörken. Kɔc ke baai de raan, kek abï ya kɔc ke aterde.

Maika 7:6 ပူးပေါင်းရင်းမြစ်များ

Cäk 49:4

Yïn bï ciët amool dïït cï piny thiɔ̈ɔ̈ŋ nɔm. Ku acie yïn bï ya adhuɛ̈ŋ de baai, në luɔi wään cïn tɔ̈c we tiiŋdï, ku kɛ̈në biɔ̈k ke wuur riëëu nïïm.

2 Tham 16:11

Ago Debid lɛ̈k Abicai kekë bänyke kedhie an, “Mɛnhdï akɔɔr bïï yɛn nɔ̈k! Ku eeŋö ee week tɔ gäi ë kë looi raan wun ë Benjamin? Acï Bɛ̈nydït lɛ̈k en bï a lam! Pälkï, ë lam ɛn ëtɛ̈ɛ̈n.

Diɛt 41:9

Mäth man ŋääth aläl, raan ë ye wok cam ë tök, ë rɔt pɔ̈k ɛn.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Yith 3:5

Kɔc abïk röt yɔŋ, dhuök acïkï kɔcdïtken bï riëëu, ku cïï kɔc cïn naamden acïkï adhuëëŋken bï riëëu.

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Jeremia 12:6

Ayï kɔckuön raan ë yïn, kɔc ke dhiëndun, acïk yïn nyiɛɛn, acïk mat ë kɔc ee yïn mak. Du keek ŋäth, cakaa kek ë jam në thoŋ piɛth.”

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 9:4

Ŋɛk abï rɔt dhil aa tiit ë mɛ̈thëde, ku ë cïn raan ŋäth mänhë, në biäk cï kɔc ëbɛ̈n mɛth looi cï Jakop, ku raan ëbɛ̈n ee mɛ̈thë jääm guöp.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Obadaya 1:7

Kɔc wään mät në week acïk we math, ku kuëëthkï we bei pinydun. Kɔc wään dɛ wek rëër piɛth lɔ dïu, acïk we rum ë piny. Kɔc wään ee cam në week ëtök, kek adep week, ku ayek lop an, ‘Ka pɛlënɔmdɛn wäänë ëbɛ̈n cï lɔ ënou?’

Math 10:21

Raan abï mänhë aa yiɛ̈n kɔc lek nɔ̈k abï thou, ku wun meth abï mɛnhde yiɛ̈n kɔc lek nɔ̈k abï thou, ku mïth abïk ater cak në wärken nïïm ayï märken nïïm, agokï ke tɔ näk.

Math 26:23

Go puk nɔm an, “Raan gëm kekë yɛn ëtök ë aduökic, yen guöp yen abï a nyiɛɛn.

Luk 12:53

Wun meth abï dɛ ater ke wënde, ku bï wënde dɛ ater ke wun, ku man duet kekë nyande, ku nyande kekë man, ayï man mony ë duet kekë tiiŋ de wënde, ku tiiŋ de wënde kekë mamɔɔcde.

Luk 21:16

Ku we bï kɔc ë dhiëth week nyiɛɛn, ku nyiin mïthëkɔckun week, ayï kɔc raan ë week, ayï määthkun, ku kɔ̈k në weyiic abï ke tɔ näk abïk thou.

Jɔn 13:18

“Yɛn cïï jam ë këdun wedhie: yɛn ŋic kɔc cä lɔc: ku këcïgɔ̈ɔ̈r abï dhil aa yic an, ‘Raan cam kuïn ke yɛn ëtök yen aa luui yɛn ater.’