Maika 7:2 - JAM DE NHIALIC 2011

² Kɔc piɛth piɔ̈ɔ̈th acï ke thöl nyïïn paanda kedhie, acïn raan piɛth töŋ cï döŋ. Kɔc kedhie ayek buuth bïk kɔc nɔ̈k, ku ŋɛk ee mɛnhkënë yɔ̈ɔ̈p cï lɛ̈i.

Maika 7:2 ပူးပေါင်းရင်းမြစ်များ

Diɛt 10:9

ayek tïït ɣäänkɛn ke thiaan cï köör, ayek tɔ̈c ke ke buth kɔc kuanynyïïn, ayek keek dɔm ë wïndɛn ë dɛ̈p ku thelkï ke wei.

Diɛt 12:1

Kony wook Bɛ̈nydït! Acïn kɔc piɛthpiɔ̈ɔ̈th cï döŋ, acïn kɔc adööt duëër ë ke bɛ yök.

Diɛt 12:2

Ayek röt tɔ̈ɔ̈r lueth kedhie, ayek röt math kapäc në ka cït yith.

Diɛt 57:6

Kɔc ke aterdï acïk bɔi luaai piny bïk ya dɔm, yɛn cïï ë riɔ̈ɔ̈c dɔm. Acïk kueerdï wɛ̈c yic pul, ku acïk lööny thïn gupken.

Kɛ̈ŋ 1:11

Na lëkkï yïn an, “Bä buthku raan näkku! Bä mɛkku raan cïn kë cï wööc baaŋ!

Kɛ̈ŋ 12:6

Liëp ke kɔc ee karɛc looi athiëŋkï në rim, ku kony kɔc në jam de kɔc piɛthpiɔ̈ɔ̈th.

Yith 3:5

Kɔc abïk röt yɔŋ, dhuök acïkï kɔcdïtken bï riëëu, ku cïï kɔc cïn naamden acïkï adhuëëŋken bï riëëu.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 5:16

Kɔckɛn muk dhɛ̈ŋ ayek rem de tɔŋ ee näk ke cïn kokëpiɔ̈u.

Jeremia 5:26

“Kɔc ee karɛc looi arëërkï ë kɔckï yiic, ayek rëër ke ke tït cït man ee kɔc ee bɔi thieth ke ke dep amɔ̈r, ku acïk wïïnkɛn ke dɛ̈p luöi kɔc.

Jeremia 8:6

Yɛn cï Yayïth këët, ku wek kën yith lueel. Acïn raan tök në weyiic, raan cï awänyde gam, ku acïn raan tök në weyiic, raan cï lop an, ‘Eeŋö cä wööc?’ Ŋɛk ee cath në cäthde, cït man ë jöŋgör lɔ ë tɔŋic.

Dhiëëu 4:18

Ku raan de ater aa woi wook, ka wok cïï duëër cath në kuɛɛr yiic. Nïnkuɔ acïk guɔ thök, ku jɔ thök bɛ̈n.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 24:6

Kë ye Bɛ̈nydït Awärjäŋ lueel kï an, “Amawoou në pänydït de nɛ̈ɛ̈k abï riɔ̈ɔ̈k! Acï ciët tööny ë thät cie waak. Thïm de rïŋ aye nööm ku nyɔk däŋ ë läu, abïï ciën kë döŋ.

Ɣodh 5:1

“Piɛŋkï ee kënë apiɛth, wek bäny ke kake Nhialic. Pälkï weyïth piny, baai de Yithriɛl! Piëŋkï baai de melik! Ee yïn ade ee këtucë! Yïn cï rɔt tɔ ye wïn ë dɛ̈p në Midhepa, ku tɔ rɔt ee bɔi në kuur de Tabor nɔm.

Ɣodh 6:9

Bäny ke kake Nhialic acïk röt tɔ cït amatnɔm de nɛ̈ɛ̈k, ee kɔc buuth në kuɛɛriic. Ku näkkï kɔc në kueer ë Cekem në nääk ayäär.

Maika 2:8

Ku wek ee kɔckï mak cït kɔc ke ater. Kɔc tëk kueer ke ke cïï diɛɛr, kɔc lɔ bɛ̈n tɔŋ. Ku ayak keek yak kɔ̈ɔ̈th në lupɔɔ.

Maika 3:10

Wek yïk Jeruthalem pänydïït de Nhialic, në nääk ku luɔi de kërac.

Maika 3:2

Ku ënɔɔnë, wek nhiaar kërac, ku mankï këpiɛth. Wek ë kɔckï yaaŋ apïr cït man ye yiëëp läi yaaŋ, ku lëny rïŋ bei në yom kɔ̈ɔ̈th.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Luɔi 24:9

Go Judai gam aya, luelkï an, kakë ayïnkï ya.

1 Tham 24:11

Tïŋ ënɔɔnë wäär, tïŋ biäk de lupɔduön nu në yaciin! Yɛn cï biäk thiin akäŋ tëëm bei në lupɔdu thok, ku yïn kën nɔ̈k. Ënɔɔnë ŋic ëgɔk nɔn cïn en kërɛɛc kaar bä luöi yïn, ku nɔn cïn en tɔŋ kɔ̈ɔ̈r yïn. Acïn kërɛɛc cä luöi yïn, ku yïn yɔ̈p ɛn bä yɛn nɔ̈k, cakaa nɔn cïn en kë cä wäc yïn.

1 Tham 26:20

Du yɛn tɔ näk piny lei, të mec ke Bɛ̈nydït. Eeŋö duëër ë melik de Yithriɛl bɛ̈n bïï ya bɛ̈n nɔ̈k? Eeŋö duëër en yɛn jɔ yɔ̈ɔ̈p cï dit ë kur nïïm?”