Maika 7:19 - JAM DE NHIALIC 2011

¹⁹ Yïn bï piɔ̈u bɛ kok we wook, ku dum awɛ̈ɛ̈ckuɔ yiic në yïcök, ku dɛɛnyë ke ë wɛ̈ɛ̈ric në lilic ya.

Maika 7:19 ပူးပေါင်းရင်းမြစ်များ

2 Tham 24:14

Go Debid lɛ̈k Gad an, “Yɛn tɔ̈u në riäŋdït yic! Ku acä kɔɔr bï mɛnh ë raan ya luöi këtuc. Tɔ Bɛ̈nydït lui wo këtuc guöpde, në biäk ee Bɛ̈nydït piɔ̈u kok.”

Diɛt 103:12

Acït mɛc de kaam de aköl amiäk, kekë aköl athɛ̈i, yen acït luɔi bï yen karɛckuɔ nyaai tëde wook.

Diɛt 130:8

Abï kɔckɛn ke Yithriɛl kony në awɛ̈ɛ̈cken yiic kedhie.

Diɛt 85:3

Yïn cï agönhdu pɔ̈l we keek, ku mɔ̈kë ŋeenyduön dït ë Yïpiɔ̈u.

Yith 33:24

Në kɔc rɛ̈ɛ̈r pinyda yic, acïn raan bï bɛ dok an de guöp juäi, ku karɛc ëbɛ̈n abïï ke pɔ̈l.

Yith 38:17

Tuöcëpiɔ̈ndï abï rɔt puk ke ee mät. Yïn ë ya luök wëi në karɛc yiic ëbɛ̈n Yïn cï ya päl awänydï ëbɛ̈n.

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Jeremia 33:8

Abä ke waak gup në awäny de kërɛɛcdɛn wään cïk luöi yɛn ëbɛ̈n, ku abä ke päl awäny de kërɛɛcden ëbɛ̈n ku reec reec kek yɛn.

Jeremia 50:20

Të le köölë bɛ̈n, acïn kërɛɛc bïï yök ë Yithriɛl, ku acïn luɔi rac ë Juda, në biäk bän kɔc cän wëiken pɔ̈l, päl awɛ̈ɛ̈c. Acä Lueel, Yɛn Bɛ̈nydït.”

Dhiëëu 3:22

Nhiëër agɔk de Bɛ̈nydït acie kɔ̈ɔ̈c, ku kokdepiɔ̈ndu aŋoot ke tɔ̈u.

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Edhekiɛl 18:22

Karɛcke kedhie aye ke päl en, ku abï pïïr në biäk cïï yen piathëpiɔ̈u looi.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Dhek 3:4

Go tunynhial lɛ̈k kɔc wën kääc në yelɔ̈ɔ̈m an, “Yɔ̈ɔ̈tkï lupɔɔ nhianykë bei në yekɔ̈u. Na wën, ke lëk Jocua an, “Tiŋ, awɛ̈ɛ̈cku acä ke nyaai ënɔɔnë. Ku yïn gäm lupɔɔ piɛth bä cieŋ.”

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 8:12

Abä keek päl karɛcken, ku Yɛn cïï awɛ̈ɛ̈cken bï bɛ tak anandï.”

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.