Maika 7:18 - JAM DE NHIALIC 2011

¹⁸ Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Maika 7:18 ပူးပေါင်းရင်းမြစ်များ

Cäk 4:7

Na ë yï cï këpiɛth looi, adï kɛ̈n yïn gam? Ku në luɔi kën yïn këpiɛth looi, kërac atit yïn ɣöt thok cït man ë köör, akɔɔr nɔn bï yen yï dɔm, ku abä dhil tiaam.”

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

2 Lëk 30:9

Na wɛ̈lkï wepiɔ̈ɔ̈th Bɛ̈nydït, ke kɔc wään cï mïthëkɔckun peec ke ke mac abïk piɔ̈ɔ̈th kok në keek, ku lonykï keek bïk bɛ̈n ciëën baai. Ku Bɛ̈nydït Nhialicdun adik ku ade kokëpiɔ̈u, na lak röt pɔ̈k en, ka abï week gam.”

2 Lëk 6:21

Piŋ lɔ̈ŋdï ku lɔ̈ŋ de kɔckuön ke Yithriɛl, të le kek kenïïm wël ee tënë ku lɛ̈ŋkï. Piŋ baaidu paannhial, ku päl ë wook awɛ̈ɛ̈ckuɔ.

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Diɛt 103:13

Cït man ye wun mïth piɔ̈u kok kekë mïthke, Yen aye Bɛ̈nydït piɔ̈u kok aya kekë kɔc wën ee Yen riëëu.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 35:10

Ku abä ja lɛ̈k Bɛ̈nydït në yapiɔ̈u ëbɛ̈n an, “Acïn raan thöŋ ke yïn. Yïn ee raan kɔ̈c gël në raan ril ku gël raan kuany nyin në raan yɔŋ en.”

Diɛt 65:3

në biäk de karɛcken. Karɛckuɔ ayek wo tiaam, ku aye keek päl wook.

Diɛt 65:4

Thieithieei në kɔc cï keek lɔc, kɔc cï keek bɛ̈ɛ̈i bïk rɛ̈ɛ̈r ɣöndu. Wo bï kuɛth në kapiɛth tɔ̈u ɣöndu, athiɛɛi de ka nu luaŋduön ɣeric.

Diɛt 71:19

Piathëpiɔ̈ndu Nhialic, ee ɣet nhial. Yïn cï kadït looi, acïn raan töŋ cït Yïn.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Diɛt 89:6

Bɛ̈nydït acïn raan nu paannhial cït Yïn, acïn töŋ nu në ka cï cak paannhial duëër kït ke Yïn.

Diɛt 89:8

Bɛ̈nydït Nhialic Awärjäŋ, acïn raan ril cït Yïn, Bɛ̈nydït në käŋ yiic kedhie Yïn ee piɔ̈u adöt.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 34:9

Ku lueel an, “Bɛ̈nydït, na mit ë piɔ̈u ë yic we yɛn, ke yï pɛ̈l wook awɛ̈ɛ̈ckuɔ ku karɛckuɔ, ku gam wook tɔ wook ee kɔcku. Ku lɔ wekë wook. Kɔckë arilkï nïïm.”

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 33:24

Në kɔc rɛ̈ɛ̈r pinyda yic, acïn raan bï bɛ dok an de guöp juäi, ku karɛc ëbɛ̈n abïï ke pɔ̈l.

Yith 38:17

Tuöcëpiɔ̈ndï abï rɔt puk ke ee mät. Yïn ë ya luök wëi në karɛc yiic ëbɛ̈n Yïn cï ya päl awänydï ëbɛ̈n.

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 57:10

Wek ee röt tɔ bäp ke we kɔɔr yiëth kɔ̈k, ku we cie bäp. Ayak tak nɔn duëër ë yiëthkuön rackë we gäm riɛl, ke we cïï bï kɔ̈c.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Yith 64:9

ka yïn du piɔ̈u go diu aläl we wook, ku du awɛ̈ɛ̈ckuɔ muk ë yïpiɔ̈u aɣet athɛɛr. Wok ee kɔcku, kokëpiɔ̈u we wook.

Yith 65:19

Yɛn guöpdï Yɛn bï thiäŋ wo miɛtëpiɔ̈u në biäk de Jeruthalem ke kɔcke. Abï ciën dhiëëu ëtɛ̈ɛ̈n, ku raan kɔɔr kuɔɔny.

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:5

Yïn cie dap gɔ̈th, ku yïn cï nɔm duëër kɔn riääk në këdï aɣet athɛɛr.’ Yithriɛl yen kë ye lueel ka, ku yïn cï këriëëc rac ëbɛ̈n looi.”

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 33:8

Abä ke waak gup në awäny de kërɛɛcdɛn wään cïk luöi yɛn ëbɛ̈n, ku abä ke päl awäny de kërɛɛcden ëbɛ̈n ku reec reec kek yɛn.

Jeremia 38:8

Go Ebedmelek lɔ ëtɛ̈ɛ̈n ku lëk melik an,

Jeremia 50:20

Të le köölë bɛ̈n, acïn kërɛɛc bïï yök ë Yithriɛl, ku acïn luɔi rac ë Juda, në biäk bän kɔc cän wëiken pɔ̈l, päl awɛ̈ɛ̈c. Acä Lueel, Yɛn Bɛ̈nydït.”

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Edhekiɛl 18:23

Go Bɛ̈nydït Awärjäŋ thiëc an, “Ye tak ya piɔ̈u miɛt të tiëŋ ɛn raan ee karɛc looi ke thou? Ei, aya kɔɔr bä tïŋ ke puk yepiɔ̈u ku bï pïïr.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 33:16

Yɛn bï awɛ̈ɛ̈ckɛn cï looi pɔ̈l, ku abï pïïr në biäk cïï yen yic looi ku këpiɛth.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Amoth 7:8

Na wën, ke lop ɛn an, “Amoth, eeŋö cï tïŋ? Guɔ puk nɔm an, “Ee awin ë yïk. Go lueel an, “Tïŋ ë awin ë yïkë, athɛm ɛn Yithriɛl kɔckï, acïk ciët päny cï awin ë yïk tɛɛm wei, Yɛn cïï A nɔm bï bɛ waar në luɔi bän keek luöi këtuc.

Amoth 8:2

Go Bɛ̈nydït a luɔp an, “Eeŋö cï tïŋ Amoth? Guɔ puk nɔm an, “Ee diöny de mïth ke tiim amäi. Go ë Bɛ̈nydït lɛ̈k ɛn an, “Akööl ciëën acïk bɛ̈n tëde kɔckiën ke Yithriɛl. Yɛn cïï A nɔm bï bɛ waar në luɔi bän keek luöi këtuc.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Kuɛ̈n 23:21

Acïn riääk cï tiëŋ baai de Jakop. Ku cïn kërɛɛc ŋïc ë Yithriɛl. Bɛ̈nydït Nhialicdɛn atɔ̈u ke keek, ku agamkï nɔn yen meliŋden.

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Romai 11:4

Ku bëër bëërë Nhialic en ë luel ŋö? “An, Yɛn ë rɔt bɔ̈th aguum kadhorou de röör kɔc kën kemiɔl tuk ë Baal nɔm.”

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.