Maika 7:17 - JAM DE NHIALIC 2011

¹⁷ Abïk aa ɣöc piny cït karɛc, ku molkï piny cït käm. Juöör abïk bɛ̈n bei në ɣäänkɛn ke thiaan yiic ke ke lɛthë. Ku pukkï kenïïm Bɛ̈nydït Nhialicda ke ke cï riɔ̈ɔ̈c në Yen.

Maika 7:17 ပူးပေါင်းရင်းမြစ်များ

2 Tham 22:46

Acïk guɔ riɔ̈ɔ̈c ku ayek bɛ̈n bei ke ke lɛthë, tëdɛn ë cï kek thiaan.

2 Lëk 17:10

Na wën ke Bɛ̈nydït ë tɔ ciɛɛŋ thiɔ̈k ëtɛ̈ɛ̈n riɔ̈c, në luɔi bï kek lɔ thɔ̈ɔ̈r ë melik Jeɣocapat.

Diɛt 18:45

Ayek riɔ̈ɔ̈c në yɛn, ka aye ke lath tëdɛn cï kek thiaan thïn.

Diɛt 72:11

Meliik kedhie abïk kenïïm guöt piny në yenɔm, juöör ëbɛ̈n abïk yen aa luööi.

Diɛt 72:9

Kɔc ke jɔ̈ɔ̈ric abïk kenïïm guöt piny në yenɔm, kɔc ke aterde abïk röt cuat piny në yenɔm.

Diɛt 9:20

Tɔ ke riɔ̈c Bɛ̈nydït, ku tɔ ŋic ë juöör nɔn ye kek kɔc tei.

Yith 25:3

Kɔc ke juöör ril abïk Yï piɔɔny, Yïn bïï ë riɔ̈ɔ̈c në pɛ̈ɛ̈nydït ke juöör ee kɔc kuur.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 64:2

Aduëër ë ke lath cït pïïu cïï ë maany tuc tɔ piäär. Bä nyuöthë riɛldu kɔc ke aterdu ku tɔ juöör lɛthë ëbɛ̈n në yïnɔm!

Yith 65:25

Aŋuööth ku thök abïk aa cam ëtök, kɔ̈ɔ̈r abïk nyuäth ë wal cï ɣɔ̈k ku karɛc ee mol piny acïï ke bï bɛ ya diɛɛr në wurïï. Në Dhiɔn kuurdiën ɣeric nɔm, abï ciën kë bïï kɔc bɛ riɔ̈ɔ̈c në biäk de karɛc.”

Yith 7:19

Ku abïk bɛ̈n ku piɔ̈ɔ̈tkï në kur nïïm ku wëk yiic ku kɔ̈k ke kur yiic ku abïk roor thiɔ̈ɔ̈ŋ yic ëbɛ̈n ayï të ye puur.

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Dhiëëu 3:29

Wo duëër wonïïm guöt piny në riëëu, në biäk duëër aŋäth dhil ŋoot ke tɔ̈u.

Dhek 14:5

Ku wek bï ban ee wakë yic, wak cï kuur tekic ë rou, wek bï kat ë kat ë kuarkun, ɣɔn cïï piny rɔt nieeŋ në run ke melik Yudhia ë Juda. Bɛ̈nydït Nhialicdï abï bɛ̈n, abï bɛ̈n kekë tuucnhialkɛn ɣeriic kedhie.

Nyöŋ 32:24

Abïk thou në cɔk ku atuöc, ku abïk thou në jɔɔk tuc thook. Ku abä ke tuöc läi röör bï keek mak, ku karɛc de thook wurïï bï keek kääc.

Jocua 9:24

Gokï puk nɔm an, Aloiku aya bɛ̈ny, në luɔi cïï wok ë piŋ nɔn cïï Bɛ̈nydït Nhialicdun Mothe, awunde yɔ̈ɔ̈k ë yic nɔn bï yen en gäm piny ëbɛ̈n, ku tɔ näk kɔc tɔ̈u thïn kedhie në wenïïm tueŋ. Agoku riɔ̈ɔ̈c në wëikuɔ në biäkdun.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.

1 Tham 14:11

Agokï röt nyuöth nëëm ke Pilithiin kedhie, go Pilithiin lueel, an, “Tiëŋkï Ɣeberuu, amulkï bei në pɔ̈liic të wën cï kek thiaan thïn.