Maika 7:16 - JAM DE NHIALIC 2011

¹⁶ Abï juöör ke pinynɔm tïŋ ku yäärkï gup në keek, abï ke pɛ̈n riɛlden ëbɛ̈n. Abïk kethook aa kum në kecin, ku thiökkï keyïth.

Maika 7:16 ပူးပေါင်းရင်းမြစ်များ

Jop 21:5

Tiëŋkï kë cï rɔt luöi yɛn, we bï gäi abäk wethook thany ke we mim.

Diɛt 126:2

Wok cï bɛ̈n dɔl ku këtku diɛt ë miɛtëpiɔ̈u! Go ë juöör kɔ̈k lueel ë biäkda an, “acïï Bɛ̈nydït keek luöi kagɛ̈iyë.”

Kɛ̈ŋ 30:32

Na ye pial ë piɔ̈u yïn tɔ ɣɛ̈ɛ̈c yïnɔm ku nɔn looi yïn kiɛɛr rac, ke yï jɔ rɔt jɔ̈ɔ̈ny!

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Maika 3:7

Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Dhek 12:9

Ku në ee köölë, yɛn bï juöör ee Jeruthalem yiɛ̈n tɔŋ riɔ̈ɔ̈k kedhie.

Romai 3:19

Na ënɔɔnë, aŋicku, an, kë lueel löŋ, aye lɛ̈k kɔc rɛ̈ɛ̈r ë löŋic ke kɔc ë ke bï kethook ruɔɔt kedhie, ago piny nɔm ëbɛ̈n yiëk yeth gääk ë Nhialic nɔm.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”