Maika 6:6 - JAM DE NHIALIC 2011

⁶ Eeŋö bä jɔ yiën Bɛ̈nydït, Nhialic de paannhial, të lan yen lam? Bä yiɛ̈n miɔ̈c piɛth de akɛ̈ɛ̈l ee run tök bï nyuöp En ke ye miɔ̈c ye nyop ëbɛ̈n?

Maika 6:6 ပူးပေါင်းရင်းမြစ်များ

2 Tham 21:3

Na wën ke melik Debid ë cɔl kɔc ke Gibiɔn ku lëk keek an, “Eeŋö kaarkï bä luöi week? Eeŋö bä looi kë bï kërɛɛc cï luöi week kiɛm piny, aguɔkï kɔc ke Bɛ̈nydït thieei?”

Diɛt 116:12

Eeŋö bä gäm Bɛ̈nydït në biäk de kajuëc piɛth cï luöi yɛn?

Diɛt 22:29

Kɔc ril ke pinynɔm abïk cam ku abïk kenïïm guöt piny ë yenɔm, mɛnh ë raan abï yenɔm guöt piny ë yenɔm.

Diɛt 95:2

Lokku ë Yenɔm në miɔ̈c de thieithieei ku këtku diɛt ke miɛtëpiɔ̈u ku piɔ̈ny.

Diɛt 95:6

Bäkkï, gutku wonïïm piny ku lɛmku, tukku wo miɔl në Bɛ̈nydït nɔm Aciëŋda!

Bɛ̈n 12:5

Aduëërë lɔc ke ye nyɔɔŋ amääl, ku nɔn ee yen nyɔɔŋ bou. Ku abï dhil aa nyɔɔŋ ee ruöön tök, nyɔɔŋ cïn kë dak në yeguöp.

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 21:3

Luɔi de yic ku piathëpiɔ̈u awär miɔ̈c tëde Bɛ̈nydït.

Yith 40:16

Läi tɔ̈u në roor de Lebanɔn yic ëbɛ̈n acïkï miɔc ye nɔ̈k Nhialicda lëu, ku tiimke alikï, ka cïk mac lëu në dëëp.

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Edhekiɛl 46:9

“Të bïï kɔc ke piny tëde de Bɛ̈nydït në akööl ke dhuëŋ cï mac, kɔc wën ee lɔ thïn në thoŋ të lɔ rut lek lam abïk aa bɛ̈n bei në thoŋ nu të lɔ wöuwic, ku kɔc ee lɔ thïn në thoŋ nu të lɔ wöuwic, abïk aa bɛ̈n bei në thoŋ nu të lɔ rut. Acïn raan bï aa lɔ biic në thoŋ wën ë bïï yen thïn, raan ëbɛ̈n abï dhil aa lɔ biic ke cök yenɔm.

Danyel 3:26

Go Nebukadnedhar lɔ në many dɛ̈p thok, ku cööt an, “Cadrak! Mecak! Abenego! Lïïm ke Nhialic Awärjäŋ! Bäkï bei!” Agokï bɛ̈n bei raantök.

Danyel 4:9

Beltecadhar, bɛ̈ny de kɔc ee cɔ̈ɔ̈r, aŋiɛc nɔn tɔ̈u ë wëi ke Nhialic ɣeric atɔ̈u ë yïguöp ku yïn ee kacïmoonyë yökiic ëbɛ̈n. Kënë në yïn, ku yïn ee kacïmoonyë ëbɛ̈n yökiic. Kënë ee nyuöthdï. lɛ̈kë yɛn kë lueel.

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Ɣodh 5:6

Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

Amoth 5:22

Na ë we cak A gäm miɔ̈c ë rap, ayï miɔ̈c ye nyop ëbɛ̈n, acä keek bï gam. Ku na ë we cak A gäm miɔ̈c de miöör cäk cuaai ke ke ye miɔ̈c ke mät, acä keek bï nööm.

Math 19:16

Na wën, ke raan tök bɔ̈ tëde yen, bï ku thiëëc an, “Bɛ̈ny piɛth bɛ̈ny ee wëët, bä këpiɛth ŋö looi, bän dɛ pïïr athɛɛr?”

Mak 12:33

ku nhiëër nhiɛɛrë raan en ë yepiɔ̈u ëbɛ̈n, ku yenɔm ëbɛ̈n, ku wëike ëbɛ̈n, ku riɛlde ëbɛ̈n, ku nhiëër nhiɛɛr en raan rɛ̈ɛ̈r ke ye acït man nhiɛɛr en rɔt, yen adït awär ka cï gäm Nhialic, ke ye miɔ̈c ye nyop ëbɛ̈n, ayï ka cï lam ku näk keek kedhie.”

Mak 5:7

ku cööt ë röl dït an, “Eeŋödï wo yïn? Yecu, yïn Wën ë Nhialic dït arëët! Yïn yɔ̈ɔ̈k në rin ke Nhialic, an, Du ya lui këtuc!”

Luk 10:25

Na wën, ke raan tök, jɔt rɔt, ee bɛ̈ny de löŋ, ku jɔ them thiëëc an, “Bɛ̈ny ee wëët, eeŋö bä looi kë bän pïïr athɛɛr lɔ̈ɔ̈k lak?”

Jɔn 6:26

Go Yecu pɔ̈k nɔm keek an, “Wek yɔ̈ɔ̈k ëyic, an, acie luɔi cä wek göök tïŋ, ee luɔi cä wek cam në kuïn cï pam, abäk kuɛth, yen aa kaar wek ɛn.

Luɔi 16:17

Go wo kuany cök wokë Paulo, en ee nyanë, ke ye cööt an, “Röörkë ayek lïïm ke Nhialic Awärjäŋ, kɔc guïïr wook në kueer ë kunydewëi!”

Luɔi 16:30

Ago ke bɛ̈ɛ̈i bei, ku thiëëc keek an, “Wek bäny, eeŋö bä looi, kë bï a kony wëi?”

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

Epethiei 3:14

Yen atuök ɛn a miɔl ë Wääda nɔm Wun Bɛ̈nydan Yecu Kërtho,

Ɣeberuu 10:11

Bäny ke kake Nhialic luɔiden akööl nyïïn kedhie, ayek tɔ̈u ke ke näk ka gɛmë ka cïï karɛc duëër kɔn nyaai ananden.

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,