Maika 6:2 - JAM DE NHIALIC 2011

² Piɛŋkï jam de Bɛ̈nydït wek kur, wek këërkëër de pinynɔm. Bɛ̈nydït ade nɔm wël kekë kɔcke, agɛɛny kɔc ke Yithriɛl.

Maika 6:2 ပူးပေါင်းရင်းမြစ်များ

2 Tham 22:16

Piny de abäpdit acï liep nɔm, ku tïŋ këërkëër ke piny, wään bïï Bɛ̈nydït kɔc ke aterde ŋëny ku ŋɛ̈ɛ̈r keek në agɔ̈th.

2 Tham 22:8

Go piny lath ku nieeŋ rɔt, ku dhoŋ këërkëër ke tënhial ku kuemkï, në biäk cïï Nhialic göth.

Diɛt 104:5

Yïn cï pinynɔm tääu ë këërkëërde yic, ku acïï bï wony tëde anande.

Kɛ̈ŋ 8:29

Ku yöök pïïu tɔ̈u ë wɛ̈ɛ̈r yiic cïkï bï thiɔɔr awär agöör nïïm, cït man cïï yen ke yɔ̈ɔ̈k, ku tɛ̈ɛ̈u mënke piny.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 3:13

Bɛ̈nydït ë rɔt coc ke luel këde göönyde, ku ë rɔt guiir ke bï löŋ de kɔc guiir.

Yith 43:26

“Lokku në lukic, bɛ̈ɛ̈iyë göönydu! Nyuɔɔthë göönydu, ke bïï ŋic nɔn de yïn nɔm yic!

Yith 5:3

Ku ënɔɔnë määthkï luɛlkï an, “Wek kɔc rɛ̈ɛ̈r ë Jeruthalem ku Juda, tiëŋkï awäc ë kaamdï wokë domdiën ë tiim.

Jeremia 2:9

“Ku Yɛn Bɛ̈nydït, Yɛn bï göönydï bɛ lɛ̈k kɔckï. Yɛn bï gööny wo kuatden.

Jeremia 25:31

ku röl abï rɔt aa gam ë piny thar. Bɛ̈nydït ade ke, lueel ke juöör. Abï kɔc bɛ̈ɛ̈i ë luk nɔm kedhie, ku nɛ̈k kɔc ee karɛc looi. Acïï Bɛ̈nydït lueel,’ ”

Jeremia 31:37

Na jɔ tënhial them ë kööl tök, ku le këërkëër ke piny kɔɔr, yen të duëër en kɔc ke Yithriɛl rɛɛc ka, në biäk de ka cïk looi kedhie. Acïï Bɛ̈nydït lueel.

Ɣodh 12:2

Ku Bɛ̈nydït ade gääk wël nɔm kɔc ke Juda. Ku abï baai de Jakop luöi këtuuc rɔ̈ŋ kekë karɛckɛn yek looi.

Ɣodh 12:3

Kuɛɛrëdun Jakop ɣɔn aacï acueekde dɔm ŋuur në man yäc, na ɣɔn aacï dït, ke wiët kekë Nhialic.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Maika 6:1

Piɛŋkï gööny gɛɛny ë Bɛ̈nydït Yithriɛl. Jɔt rɔt Bɛ̈nydït, ku tɔ kur dït ku kur kor piŋ kë luel.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.