Maika 6:14 - JAM DE NHIALIC 2011

¹⁴ Wek bï ya cam, ku ŋuɔɔtkï ke we röi, ë yic we bï ya ŋoot ke we nɛ̈k cɔk. We bï käŋ aa jɔt, ku acäkï keek bï lëu në kuët, kë bäk aa kueet ëbɛ̈n abä riɔ̈ɔ̈k në tɔŋ.

Maika 6:14 ပူးပေါင်းရင်းမြစ်များ

Yith 30:6

Kënë ee jam bɔ̈ tëde Nhialic në biäkde läi ke piny de wöuwic an, “Tuuc yak tooc, ayek cath piny ë riɔ̈ɔ̈c de yic kɔ̈ɔ̈r ku karɛc de thook wurïï ayï ŋuäl ee päär. Ayek mulken ku thɔ̈rɔ̈ɔ̈lken thiɔ̈ɔ̈ŋ kɔ̈ɔ̈th në kajuëc ke miɔ̈c le gäm jur cïï keek ee kony.

Yith 65:13

Ku ëtɛ̈ɛ̈n acä lɛ̈k week an kɔc bï a lam, ku yek wëlkï piŋ, abïk dɛk kacaam juëc ku kadekkï, ku wek bïï cɔk nɔ̈k ku rou. Abïk piɔ̈ɔ̈th miɛt, ku we bï gup yäär.

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Ɣodh 4:10

Wek bï aa cam, ku cäkï kueth. Wek bï diäär aa kɔɔr arëët, ku cäkï kɛɛr. Në baŋ cä wek Bɛ̈nydït pɔ̈l, ku kuanykï yiëth cök ka acïk ciët tiiŋ cï köör.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Ɣagai 1:6

Wek ee ka juëc com, na miäk ke we tem ka lik. Wek de nïïm kacamkï, ku acïkï week ee kueth. Wek de nïïm mɔ̈n yak dek, ku acïkï week ee kueth! Wek de nïïm lupɔɔ ke kum, ku acïkï week ee tɔ tuc gup. Ku raan ee luui acïï ariöpde ee lëu.

Ɣagai 2:16

Wek aaye lɔ në akut ë rap lɔ̈ɔ̈m ke ŋäthkï nɔn bï yen cual kathiërrou bɛ̈ɛ̈i, ke lɔ pëk në cual kathiëër. Ku wek aaye lɔ në thaaŋ ë mɔ̈u lɔ̈ɔ̈m, ke ŋäthkï nɔn bä wek töny kathiërdhïc lɔ thiɔ̈ɔ̈ŋ, ke lɔ pëk në thiërrou.