Maika 5:7 - JAM DE NHIALIC 2011

⁷ Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Maika 5:7 ပူးပေါင်းရင်းမြစ်များ

2 Tham 17:12

Wok bï Debid yök tëdɛn tɔ̈u yen thïn, ku abuk jɔ mak ëthiäu ke cïn kë ŋic. Abuk nɔ̈k kekë remdɛn ë tɔŋ ëbɛ̈n ago ciɛ̈n raan töŋ dɔ̈ŋ ke pïïr.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 72:6

Tɔ melik cït deŋ tueny ë duumiic, ku cït nyieer ee lööny piny.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Yith 32:15

Ku Nhialic abï wëike bɛ tuööc. Ago jɔ̈ɔ̈r ɣɔn cï riääk luɔk bɛ nyɔk, ku lok duum në rɛɛp juëc, ku jɔ duum ee luɔk aa roor dït.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 55:10

“Wëlkï acïtkï pïïu ke deŋ kɔɔi ku deŋ, ee bɛ̈n piny nhial ke tuëny piny pïïu. Ayek këcam tɔ cil, ku bïïkï kɔ̈th bï com ku këcam bïï cam.

Yith 66:19

ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Edhekiɛl 14:22

Na de raan lɔ pïïr ku kony mïthke, ke woi keek gup të le kek bɛ̈n tëde yïn. Woi keek ee rac cït ŋö tɔ̈u ke keek, ku jɔ gam nɔn yen yic yen luöi yɛn kɔc ke Jeruthalem këtuc,

Edhekiɛl 47:1

Go raan a bɛ lɛɛr ciëën në kueer lɔ kueer Luaŋdït. Pïïu ayek wɛ̈t bei në kal thar ke ke lɔ në biäk të lɔ aköl amiäk të wel ë Luaŋdït yethok thïn. Aake wɛt piny. Pïïu awɛtkï piny në Luaŋdït thar biäk de wöuwic të lɔ yïk.

Edhekiɛl 5:5

Acïï Bɛ̈nydït Awärjäŋ lueel an, “Tiëŋkï Jeruthalem. Acä tääu ë juöör yiic cil, ku jɔ piiny kɔ̈k tɔ̈u ë yelɔ̈ɔ̈m ëbɛ̈n.

Danyel 11:32

Melik abï rɔt yök kɔc në kɔc wään cï Nhialic nyääŋ piny në ruëëny, ku kɔc kuany Nhialic cök abïk thɔ̈ɔ̈r në keek.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Dhek 14:8

Kööl bïï ë kënë rɔt looi pïïu piɛth abïk wɛ̈t bei ë Jeruthalem, biäk tök abï wɛt ë Wɛ̈ɛ̈r de Amilɔ yic ku biäk däŋë abï wɛt në Abäpdit yic. Abï wat ë ruöön thok ëbɛ̈n, abï wat mɔ̈i ku abï wat rut.

Dhek 9:13

Yɛn bï Juda tɔ cït dhaŋ de rem de tɔŋ ku ta Yithriɛl tɔ cït wiɛth ke dhaŋ. Yɛn bï kɔc ke Dhiɔn tɔ cït abätɛ̈ɛ̈u, piät ɛn wokë kɔc ke Girikii.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Luɔi 11:15

Na wën, aa gal jam, ke Wëidït ɣer ke ke lööny ë kegup, acït man cï kek kɔn lööny ë wogup wään.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 16:9

Ku tul raan tëde Paulo wakɔ̈u ke ee nyuöth, ee raan ë Makedonia akääc ke läŋ, an, “Bä lɔŋda paan ë Makedonia, bä wo bɛ̈n kony!”

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Romai 10:20

Ku Yithaya ë ŋeeny arëët lueel an: “Yɛn cïï kɔc yök, kɔc ë kën a kɔɔr, Yɛn cï rɔ nyuöth kɔc, kɔc ë kën a luɔp.”

Romai 11:12

Ku ënɔɔnë, kɔ̈th kɔ̈th kek, të cï en aa kuɛth cï piny tɔ kueth nɔm, ku kuur koor kek, të cï en aa kuɛth cï Juöör tɔ kueth, na piathden, bï kënë wöör ë wär ŋö?

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

1 Kor 3:6

Yɛn ee com, Apolo en aaye piöök, ku ee Nhialic en aaye käŋ tɔ cil.

Nyöŋ 32:2

Wëëtdï abï löny piny cït pïïu ke deŋ, ku wëlkï abïk lööny piny cït thäc, ku nyieer nu ë wal kor kɔ̈ɔ̈th.

Bäny 6:36

Na wën ke lëk ë Gidiɔn Nhialic, an, “Na cï lueel nɔn bïï yïn a gäm riɛl bä Yithriɛl luök.