Maika 5:2 - JAM DE NHIALIC 2011

² Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Maika 5:2 ပူးပေါင်းရင်းမြစ်များ

Cäk 35:16

Ago Jakop kuëëth Bethel kekë baaide. Na wën, aŋootkï ke ke kën guɔ ɣet Eparath, ke Racel ë kɛ̈cë, go cieŋ ke rɔ̈p.

Cäk 35:19

Ku jɔ Racel thou, ago lɔ tɔ̈ɔ̈u në kueer ee lɔ Eparath (ee yen ee Betheleɣem).

Cäk 48:7

Ku kënë aluɛɛl aya në biäk ë Racel moor. Në dhiën ë piɔ̈u ɣɔn dhiaau ɛn piɔ̈u piny ë Kanaan wään thou en, ke wo ŋoot ke wo kën ɣet Eparath. Të ɣɔn lan a nɔm puk Methopotamia. Aguɔ thiɔ̈k në kueer ee lɔ Eparath këc. (Ku Eparath yen acɔl Betheleɣem ënɔɔnë.)

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

1 Lëk 2:54

Ku wɛ̈ɛ̈t ke Thalma, ee Betheleɣem, ku kɔc ke Netopath, ku kɔc ke Ateroth Beth Jowap, ku biäk de kɔc ke Manaɣath.

1 Lëk 4:4

Ku Penwɛl ee wun Gedor, ku Edher ee wun Ɣuca. Kakë ayek wɛ̈ɛ̈t ke Ɣur wën kɛ̈i de Eparath, wun Betheleɣem.

1 Lëk 5:2

Cakaa wään cïï dhiën de Juda bɛ̈n riɛl ku bɛ̈ny aa bɔ̈ në ye yic, ku yiny de dhiëth acï bɛ̈n ŋoot ke ye këde Jothep.

Diɛt 132:6

Ɣɔn tɔ̈u wok në Bethleɣem wok cï athänduŋ de mät piŋ, goku lɔ yök në duum ke Jiriim yiic.

Diɛt 90:2

Ɣɔn kënë kur kɔn cak, ku ɣɔn kënë pinynɔm kɔn bɛ̈n, Yïn ee Nhialic tɔ̈u athɛɛr, ku Yïn bï tɔ̈u aɣet athɛɛr.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 18:25

ku kuɛny kɔc lëthiic në kɔc ke Yithriɛliic ëbɛ̈n. Kuɛny keek tɔ ke ee bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër.

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 55:4

Acä looi ke ye bɛ̈ny, ku ye bɛ̈ny tueŋ de juöör, ku në kueerde yɛn cï riɛldï bɛ̈n nyuöth keek.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 2:1

Na wën, aacï Yecu guɔ dhiëëth ë Betheleɣem de Judaya në akööl ke Ɣerod melik, ke röör pelnïïm ke ke jɔ bɛ̈n të lɔ aköl amiäk, abïkï Jeruthalem,

Math 2:6

‘Ku yïn Betheleɣem, yïn koor ë bäny ke Juda yiic, Bɛ̈nydït abï bɛ̈n bei në yï yic, Bɛ̈ny bï kɔckiën ë Yithriɛl aa tiit.”’

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Luk 23:2

Ku jɔkï gaany an, “Wo ë raanë yök, ee jurda thöi nɔm, ee kɔc pɛ̈n luɔi yïn kek Kaithar athölbö, ku ye lueel nɔn ee yen Kërtho melik.”

Luk 23:38

Ku ade jam cï gɔ̈ɔ̈r ë yenɔm nhial, në gäär de Girikii ku Roma ku Ɣeberuu an, “Kënë ee Melik de Judai.”

Jɔn 7:42

Kënë këcïgɔ̈ɔ̈r lueel, an, Kërtho abɔ̈ në käu de Debid, ku bïï bei ë Betheleɣem, paan ɣɔn nu Debid thïn?”

Nyöŋ 1:15

Guɔ kɔc ee kɔc wat nööm ë weyiic, ku tääu keek në wenïïm, ku kɔ̈k ye bäny de agum ë kɔc. Ku ye kɔ̈k bäny de bɔt ë kɔc, ku ye kɔ̈k bäny de thiërdhïc ë kɔc, ku ye kɔ̈k bäny ke thiëër ë kɔc, ku kuany bäny kɔ̈k aya në dhiëënkun yiic kedhie.

Kolothai 1:17

Ku yen anu ë käŋ nïïm tueŋ kedhie, ku tɔ̈u käŋ kedhie në yen.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

Ɣeberuu 7:14

Aŋic ë raan ëbɛ̈n nɔn ë bïï Bɛ̈nydïïtda dhiën ë Juda, ku acïn kë cï Mothe lueel luɔi duëër ë bäny ë kake Nhialic bɛ̈n bei ee dhiënë yic.

1 Jɔn 1:1

Kë ë nu ɣɔn thɛɛr gɔlë käŋ. Kë cuk piŋ, kë cuk tïŋ ë wonyïïn, kë cuk woi, kë cuk dɔm ë wocin, këde jam de pïïr.

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Nyuuth 2:8

Ku gäär tunynhial de ɣön ë Nhialic nu Thumurna alë: Kakë aluel raan keek, raan tueŋ ku ye raan ciëën, raan ëcï thou, ku be pïïr:

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Bäny 17:7

Ku aade wën dhuŋ ë Lebai de baai ë Juda, aa rɛ̈ɛ̈r në Bethleɣem de Juda ëtɛ̈ɛ̈n.

Ruuth 1:1

Ɣɔn thɛɛr, në akööl ɣɔn cieŋ ë bäny ke luk Yithriɛl, cɔŋdït aa nu. Ago raan dhiën ë Eparath cɔl Elimelek jäl Bethleɣem de Juda kekë tiiŋde, ku wɛ̈ɛ̈tke kaarou lek yök ke ke rɛ̈ɛ̈r piny ë Mowap.

Ruuth 4:11

Go röördït ke wut lueel, mɛ̈tkï në kɔc rɛ̈ɛ̈r ë kal thok kedhie an, “Wok ee cäätɔɔ. Bɛ̈nydït abï tiiŋduön nömë tɔ cït Racel kekë Liya, diäär wään yïk baai de Yithriɛl. Ku abï yï tɔ kɛɛr në dhiën ë Eparatha yic, ku tɔ rinku tiëc në Bethleɣem.

1 Tham 10:19

Ee Yɛn Nhialicdun, Raan ë luäk week në nuɛɛnkun yiic ku ka dhal week ëbɛ̈n, ku ee köölë wek cï ya reec, ku lɛ̈kkï Yɛn an gäm week melik. Yen tëde ka, ënɔɔnë mätkï röt Bɛ̈nydït wedhie, në dhiëënkun ku ɣöötkun.”’

1 Tham 17:12

Debid ee wën ë Jethe, raan dhiën ë Eparath në Bethleɣem de Juda. Jethe aa de nɔm wɛ̈ɛ̈tke kabɛ̈t. Ku Jethe aacï dhiɔp në akööl ɣɔn ye Thaulo melik.

1 Tham 17:18

Ku jɔt ca në kec kathiëër, yiɛ̈në ke bɛ̈ny de remdɛn ë tɔŋ wat agum. Ku tïŋ mïthëkɔckun luɔi tɔ̈u kek, ku lɔ yiɛ̈në yɛn kë bän e ŋic nɔn piɔl kek gup.

1 Tham 23:23

Tiëŋkï tëdɛn yen dap thiaan thïn, ku bäkkï ciëën në jam yic, ku ëtɛ̈ɛ̈n yɛn bï lɔ wokë week, na nu wutic, abä kɔɔr në aguum ke Juda yiic ëbɛ̈n.”

1 Tham 8:12

ku kɔc kɔ̈k abï keek tɔ lui ke ke ye bäny ke kɔc juëc, ku kɔ̈k abïk aa bäny ke kɔc lik, ku kɔ̈k abïk domde aa puur ku temkï domde, ku kɔ̈k abïk ŋoot ke ke loi tɔɔŋke ku cök ke abëëlkɛn ke tɔŋ.