Maika 5:1 - JAM DE NHIALIC 2011

¹ Matkï remduön ë tɔŋic, kɔc ke Jeruthalem, në luɔi cï ë wo gɛɛu cil në juöör juëc! Abïk bɛ̈ny de Yithriɛl dɔm, ku biäkkï gëm.

Maika 5:1 ပူးပေါင်းရင်းမြစ်များ

Cäk 35:19

Ku jɔ Racel thou, ago lɔ tɔ̈ɔ̈u në kueer ee lɔ Eparath (ee yen ee Betheleɣem).

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

1 Mel 22:24

Na wën, ke tiët Dhedekia jɔt rɔt ku le Mikaya biɔ̈ɔ̈k gëm, ku lop an, “Wëi ke Bɛ̈nydït ë ke jäl nɛn tëde yɛn, ku lek aa jam në yïn?”

2 Mel 24:2

Go Bɛ̈nydït kɔc ee tɔŋ bɛ̈ɛ̈i tuöc Juda, rem de Babilon, ku Thiriya, ku Mowap, ku Amon, bïk bɛ̈n thɔ̈ɔ̈r ë Jeɣoyakim ku bïk Juda lɔ riɔ̈ɔ̈k, cït man cïï Bɛ̈nydït ye lueel, në röl de lïïmke tït ke Nhialic.

Jop 16:10

Kɔc ayek a riääc në ŋäm ye kek kethook ŋaam, ku mɛ̈tkï ke ke dɔl a guöp, agokï ya bɛ̈n aa biäk thok.

Kɛ̈ŋ 8:23

Ee yɛn aa kɔnë cäk gɔl, ɣɔn thɛɛr kënë piny kɔn cak.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 8:9

Määtkï wenïïm ëtök në riɔ̈ɔ̈c wek kɔc cieŋ piny! Piëŋë yïn piny mec nu biäk tui. Cuɔckï röt thäärkï ku yak riɔ̈ɔ̈c! Ɣɛɛ, cuɔckï röt ku yak riɔ̈ɔ̈c!

Yith 9:5

Wɛɛr cieŋ ë kɔc ke ater bïï tɔŋ, ku lupɔɔkɛn de gup rim ëbɛ̈n abïï ke riɔ̈ɔ̈k në mac

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Dhiëëu 3:30

Cakaa wok ë cï dui ku cï wo läät, aduëërku ke gam kedhie.

Edhekiɛl 21:32

Wek bï riɔ̈ɔ̈k në mac. Riɛmdun abïï tɔ kuëër pinydun, ku acïn raan bï we bɛ tak anandun.’ ” Bɛ̈nydït yen aa jam.

Edhekiɛl 24:2

“Mɛnh ë raan gäärë nïn ee köölë piny, në biäk yen köölë yen bïï melik de Babilonia Jeruthalem gɔl në took.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Jowɛl 3:9

Lɛ̈kkï juöör ee jamë an: ‘Guiɛkkï tɔŋ, ku thɛrkï tɔɔŋkun thook, ku määtkï jöötkuön ke tɔŋ yiic. Takï rem de tɔŋ cut rɔt tëthiɔ̈k, ku ë ke miööc tɔŋ.

Amoth 2:3

Yɛn bï melik de Mowap nɔ̈k në keyiic kekë bänykɛn tɔ̈u në yecök kedhie paanden. Yen kë cïï Bɛ̈nydït lueel ka.”

Ɣabakuk 1:6

Yɛn bï kɔc ke Babilon tɔ bɔ̈ nhial, ee jur de guöp akuöörkuöör cie bäp. Kɔc ee piny baar ëbɛ̈n, ku peckï wuöt kɔ̈k.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Math 26:67

Gokï ŋuööt nyin, ku guutkï ë kecin, ku mɛŋ kɔc kɔ̈k ë kecin,

Math 27:30

Gokï ŋuööt guöp, ku nömkï aruöör, yupkï nɔm.

Math 5:39

Ku wek yɔ̈ɔ̈k an, ‘Duökï kërac ë ŋëny raan biäk gëm cuënydu, ke wɛ̈lë gëm däŋ aya.’

Jɔn 18:22

Na wën, aacï ee kakë lueel, ke bɛ̈ny tök ë bäny ke rem, raan kääc ë yelɔ̈ɔ̈m, ke jɔ Yecu biɔ̈ɔ̈k ë yecin lueel an, “Bä bɛ̈nydïït ë kake Nhialic bɛ̈ɛ̈r thok wuya!”

Jɔn 19:3

agokï bɛ̈n të nu yen, bïk ku luelkï an, “Thieithieei, yïn Melik de Judai!” Ku biëëkkï ë kecin.

Luɔi 23:2

Go Anania, bɛ̈nydïït ë kake Nhialic, go kɔc kääc ë yelɔ̈ɔ̈m yɔ̈ɔ̈k an, biäkkï thok.

2 Kor 11:20

Të ye raan week lïïm, ayak guum, ayï të ciɛmë raan week, ayï të rumë raan week, ayï të biëëkë raan wenyïïn.

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

Nyöŋ 33:27

Nhialic Yen ee we Kony aköölnyïïn, ku ciindɛn athɛɛr yen aye we luök. Ee kɔc ke aterdun cuɔp wei të la wek tueŋ, ku yöök week an riäkkï keek kedhie.

Bäny 17:7

Ku aade wën dhuŋ ë Lebai de baai ë Juda, aa rɛ̈ɛ̈r në Bethleɣem de Juda ëtɛ̈ɛ̈n.