Maika 4:8 - JAM DE NHIALIC 2011

⁸ Ku yïn guöp, yïn nyan de Dhiɔn, yïn cït tïn ë thök kääc ë alooc bäär nɔm, ke tiit kɔc ke Yithriɛl piny. Ku ciɛɛŋ ë nyan de Jeruthalem abï bɛ puɔ̈k nɔm yïn.

Maika 4:8 ပူးပေါင်းရင်းမြစ်များ

Cäk 35:21

Ago Jakop e baaric tueŋ, ku le paanyde piäät në aloocdïït bäär de Eeder kɔ̈u baŋ tui.

2 Tham 5:7

(Ku Debid acï të ril de Dhiɔn bɛ̈n nööm, go bɛ̈n cäk an, “pänydït de Debid.”)

Neɣe 3:25

Ku Palal wën de Yudhai acï Aŋel biäk däŋë bɛ̈n yïk, gɔl në aguk nɔm ale guööt në aloocdïït de melik nu nhial thiääk ke ɣön ye kɔc mac thïn. Ku yïk Pedaya wën ë melik biäk däŋ nu të lɔ aköl amiäk, thiääk ke Thoŋ de Pïïu ku Alooc ye Luaŋdït tiit,

Diɛt 24:7

Tuɛrkï athïïn thook, liepkï athïïn thɛɛr thook, ago melik dït bɛ̈n thïn.

Diɛt 48:3

Acï Nhialic nyooth nɔn nu ë kuɔɔny ke yen në gëlgël de pänydït yic.

Diɛt 61:3

në baŋ ee Yïn konydï, alooc bäär ë ya luök në kɔc ke aterdï,

Diɛt ke 4:4

Ku yenhdu acït alooc bäär de Debid, dhuɔɔkic ku tɛ̈ɛ̈c, kekë guët cït aguum ke kööt cï nöök në yekɔ̈u.

Yith 1:26

Wek bä gäm bäny ku kɔc ee we jääm cït kɔckuön wään tueŋ. Ka Jeruthalem abï bɛ aa cɔɔl an, pänydïït de piathëpiɔ̈u, pänydït adöt.”

Yith 10:32

Köölë, kɔc ke ater anukï wun cɔl Nop, ku ëtɛ̈ɛ̈n ayek kuur ë nyan de Dhiɔn nyooth, yen kuur ë Jeruthalem.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 7:18

Ku kɔc ke Nhialic dït abïk riɛl de ciɛɛŋ yök, ku abïk ciɛɛŋ muk aɣet athɛɛr.

Obadaya 1:21

Ku kɔc bï kɔc luök, abïk lɔ nhial në kuur ë Dhiɔn nɔm lek kuur ë Ethau cieŋ. Ku ciɛɛŋ abï aa këde Bɛ̈nydït guöpde.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Dhek 9:10

Aye Bɛ̈nydït lueel an, “Yɛn bï abëël ke tɔŋ nyaai ë Yithriɛl, ku jat jöŋgöör ë Jeruthalem, ku riääk dhɛ̈ŋ ye kɔc muc. Melikdun abï mät looi ë juöör yiic, ciɛɛŋde abï gɔl në wɛ̈ɛ̈r alɔ gut ë wɛ̈ɛ̈r däŋë, ku gɔl ë wɛ̈ɛ̈r ë Yuparat kɔ̈u leer ë piny thar.

Dhek 9:12

Puɔ̈kkï röt pinydun wek kɔc ë cï peec, wek cï dɛ aŋäth ënɔɔnë, acä teem ë köölë nɔn bän we puɔ̈k nïïm ka mat kakun yiic raan rou.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Kuɛ̈n 24:19

Abï Yithriɛl keek duöm piny, ku riëëk pɛ̈ɛ̈nydït ke kɔc cï döŋ ke ke pïr.

Math 21:33

Piɛŋkï kääŋ däŋ an, “Raan anu ke ye bɛ̈ny de baai, na wën, ke pith dom ë tim cɔl enap, go geeu ë kal, ku wec të bï mɔ̈u aa dhiim thïn, ku yïk aloocdïït bäär, go kuɛ̈i kɔc bï en aa tiit, ku jɔ keny paan mec.

Mak 12:1

Go jam gɔl ke keek ë kääŋ: an, “Raan ë dom piith ë tim cɔl enap tim de mïth mit, go geeu ë rɔk, ku wec të bï mɔ̈u dhiim thïn, ku yïk aloocdïït bäär, go tääu ë kɔc cin kɔc bï dom aa tiit, ku jɔ keny paan mec.

Epethiei 1:21

Tënhial ya, acï miriic kɔ̈k wöör kedhie aläldït, ayï ciɛɛŋ, ayï riɛl, ayï bɛ̈ɛ̈ny, ayï rin cï cak kedhie, acie piny ënɔɔnë tei, ee piny bï bɛ̈n aya, acï ke wöör kedhie.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.