Maika 4:6 - JAM DE NHIALIC 2011

⁶ Go Bɛ̈nydït lueel an, “Akööl abïk bɛ̈n wadäŋ, akööl bän kɔc cä luöi këtuc määt yiic, ku mat kɔc cï peec nïïm, kɔc cä jieth piɔ̈ɔ̈th.

Maika 4:6 ပူးပေါင်းရင်းမြစ်များ

Diɛt 147:2

Bɛ̈nydït acï wo bɛ gäm Jeruthalem, abïï kɔckɛn wään cï peec ciëën.

Diɛt 38:17

Yɛn cï thiɔ̈k wokë thuɔɔu, arɛɛmdï ee rɔt cuuth.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 31:8

Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Dhep 3:19

Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Luk 19:10

Wën ë Raan aa bɔ̈ bï kë cï määr bɛ̈n kɔɔr, ku bï bɛ̈n kony wëi.”

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.