Maika 4:4 - JAM DE NHIALIC 2011

⁴ Raan ëbɛ̈n, abï ya rëër ë dïu në dom de ŋaapde thar. Acïn raandɛn bï ye bɛ aa riääc. Yen kë cïï Bɛ̈nydït de rɛm than piny ka.

Maika 4:4 ပူးပေါင်းရင်းမြစ်များ

1 Mel 4:25

Në kaam ɣɔn pïïr ë Tholomon, Juda ëbɛ̈n, ku Yithriɛl aa rɛ̈ɛ̈r ë mätic ku cïn riɔ̈ɔ̈c. Gɔl në Dan ɣeet Biirceba, baai tök ee nɔm dɛ dom ë tiim ke ŋaapde.

1 Mel 5:5

Ku yakï, yɛn de piɔ̈u luɔi bän Luaŋdït yïk në rin ke Bɛ̈nydït Nhialicdï, cït man ë cï Yen e lɛ̈k wäär Debid an, ‘Wën bä tääu ë nyindu yic ë thöönydu nɔm, yen abï rinkï luöi Luak.’

Jop 11:19

Yïn bï aa tɔ̈c piny në mätic ke cïn raan riɔ̈ɔ̈c yïn, kɔc juëc abïk nyuc piny në yïnɔm.

Diɛt 72:3

Tɔ piny yök kuɛth në biäk de kɔc, ku tɔ yök piathëpiɔ̈u.

Kɛ̈ŋ 3:25

Du riɔ̈c në riääk duëër rɔt tɛ̈ɛ̈m ëthiäu, riääk cït riääk ee kɔc ë karɛc looi yök cït man amaŋ.

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Yith 17:2

Pɛ̈ɛ̈nydït ke Thiriya abï ke pɔ̈l aɣet athɛɛr. Abïk aa tëde nyuäth ë thök ku ɣɔ̈k, ku acïn raan bï ke cuɔp wei.

Yith 22:25

Të lee ee kënë lɔ tuöl, löny wään cï piäät aril, abï rɔ luek ku wïïk. Ku yen abï aa thök de ka cï nöök ë yekɔ̈u kedhie.” Acïï Bɛ̈nydït de rɛm lueel.

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 32:17

Kë bïï ë piathëpiɔ̈u looi ee mät, ku kë bïï yök në piathëpiɔ̈uwic ee rëër adiu ku aŋäth ɣet athɛɛr.

Yith 36:16

Duökï jam de Ɣedhekia piŋ! Melik de Athiriya ayöök week bäk bɛ̈n bei, bäk röt bɛ̈n gäm ɛn. Ku week wedhie, ŋɛk abï aa tɔ lɔ le mïth ke enap ku ŋaap cam në duum ke tiimken yiic, ku dɛ̈kkï në pïïu në yïthkun yiic

Yith 40:5

Ku dhuëëŋ de Bɛ̈nydït abïï nyuɔɔth, ku abïï mɛnh ë raan tïŋ ëbɛ̈n. Ku Bɛ̈nydït guöpde acï lueel.”

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Yith 58:14

ke we bï miɛtëpiɔ̈u ee bɛ̈n në luɔidï yic yök. Wek bä tɔ rïïuwë gup ë piny nɔm ëbɛ̈n, ku we bï piɔ̈ɔ̈th miɛt piny cä gäm kuaar Jakop jɔ yök. Acä lueel Yɛn Bɛ̈nydït.”

Jeremia 23:4

Yɛn bï bäny bï keek tit lɔc. Kɔckï acïkï bï riɔ̈ɔ̈c ku cïkkï pɛ̈u wei, ku acä ke bï bɛ luöi këtuc. Acä lueel, Yɛn Bɛ̈nydït.”

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.

Edhekiɛl 34:28

Acïï juöör kuc Nhialic keek bï bɛ yak, ku acïï läi roor keek bï bɛ nɔ̈k ku cuet keek. Abïk jɔ rëër të cïn riɔ̈ɔ̈c, ku acïn raan bï ke bɛ riääc.

Edhekiɛl 38:11

Yïn bï piny cïn riɛl lɔ peec, të rëër ë kɔc në mät ku cïn riɔ̈ɔ̈c, bɛ̈i cïn nïïm kɛ̈l ku cïn thook cï gël.

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Lebai 26:6

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Dhek 3:10

Ku lueel ë Bɛ̈nydït de rɛm an, “Të le ee köölë bɛ̈n, ŋɛk abï raan thiëëk kek aa caal në timdɛn ë enap thar, ku tim ë ŋaap thar.