Maika 4:13 - JAM DE NHIALIC 2011

¹³ Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Maika 4:13 ပူးပေါင်းရင်းမြစ်များ

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 68:29

në baŋ de luaŋduön nu ë Jeruthalem, të ye meliik Yïn yiɛ̈n miɔ̈c.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 21:10

Kɔckiën ke Yithriɛl we cï kɔ̈ɔ̈m cït man ë agamɔ, ënɔɔnë wek cä guɔ lɛ̈k thoŋ piɛth cä piŋ tëde Bɛ̈nydït de rɛm, Nhialic de Yithriɛl.

Yith 23:18

Wëu le yök në ɣööc yic, abï ke gäm Bɛ̈nydït. Acïï ke bï tɔ̈ɔ̈u tëmec, ku kɔc ee Bɛ̈nydït lam abïk wëuke nööm ɣɔɔc kek ke këcam ku lupɔɔ kɔɔrkï.

Yith 5:28

Wiɛth ke dhɛ̈ŋken amothkï, ku acï röt guiir ke ke muc. Ku miɔt ke jöŋgöörken arilkï ëtör cï kuur, ku cök ke abëël ke jöŋgöörken ayek wïc cï kɔɔr.

Jeremia 51:20

Aye Bɛ̈nydït lueel an, “Babilonia, yïn ee dëidï, yïn ee wënhdiën ë tɔŋ. Yïn cä tɔ ee këdiën yan juöör, ku ciɛɛŋ dum yiic,

Jeremia 51:33

Abïï kɔc ke ater keek dhuɔŋ piny ënɔɔnë, ku dum keek yiic cït man ye anyuɔl kɔ̈ɔ̈m ë jöŋic. Acä lueel Yɛn Bɛ̈nydït de rɛm, Nhialic de Yithriɛl.”

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Ɣodh 10:11

“Eparaim aa cït dan cï ŋiëc wɛ̈ɛ̈t, dan cïn luɔi dïït cï kɔn looi. Ku ënɔɔnë, yenhdɛn lɛ̈ɛ̈kë, abä yiëk wai ke puɔ̈ɔ̈r, ku kuaath. Ku Juda abï tiɔp geer, ku Jakop abï piny tuk.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Ɣabakuk 3:12

Yïn ee piny käc aläl në agɔ̈th të ciɛth Yïn ë yenɔm, ku dum juöör yiic të cïï Yïn piɔ̈u diu.

Dhek 12:3

Në ee köölë, yɛn bï Jeruthalem tɔ thiek cït man ë kuur, ka juöör ke pinynɔm kedhie, juöör lɔ ye them në nyiɛɛi abïk röt wääth. Juöör ke pinynɔm kedhie abïk mat, ku wëlkï nɔm ater.

Dhek 12:6

“Ku ëtɛ̈ɛ̈n, yɛn bï dhiën ë Juda tɔ cït many dɛ̈p ë rooric, ku cït many ë kuthyui nyop rɛɛp cï luɔk. Abïk juöör rɛ̈ɛ̈r në kelɔ̈m riɔ̈ɔ̈k kedhie. Ku Jeruthalem abï döŋ ke cieŋ cït mandɛnë.

Dhek 4:14

Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Dhek 6:5

Go tunynhial puk nɔm an, “Kakë ee wëi lɔ në aguuk ke pinynɔm kaŋuan. Aake jɔ bɛ̈n ciëën në Bɛ̈nydït lɔ̈ɔ̈m, Bɛ̈nydït de pinynɔm ëbɛ̈n.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

Nyöŋ 33:25

Tɔ wuötke gël thook në wëëth ku maläŋ, ku tɔ rɛ̈ɛ̈r në mätic aköölnyïïn kedhie.”

Jocua 6:19

Këriëëc ëbɛ̈n, kë ë loi në adhääp ku ateek, ku maläŋ ku nɔn yen wëëth ee kake Bɛ̈nydït. Abï ke lɔ tääu të ye wëu ke Bɛ̈nydït tɔ̈ɔ̈u.”