Maika 4:1 - JAM DE NHIALIC 2011

¹ Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Maika 4:1 ပူးပေါင်းရင်းမြစ်များ

Cäk 49:1

Ku ëtɛ̈ɛ̈n, Jakop ë wɛ̈ɛ̈tke bɛ̈n cɔɔl kedhie. Ku lëk keek an, “Guɛ̈ɛ̈rkï eenë, ke we bä bɛ̈n guiëër ka bï röt lɔ̈ɔ̈k looi wadäŋ:

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 22:27

Kɔc ke piny thar ëbɛ̈n abïk kenïïm tak ku bekï röt puɔ̈k Bɛ̈nydït. Juöör kedhie abïk Bɛ̈nydït bɛ lam.

Diɛt 48:1

Bɛ̈nydït adït, ku abï ya piɔɔny aläl, në Pänydït ë Nhialicda yic, ku në kuurdɛn ɣeric nɔm.

Diɛt 86:9

Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 54:2

Loi paanyduön rëër yïn thïn ke dït, loi wïïnke ke ke bär ku piäätë lɔ̈cke aril!

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 3:17

Na lɔ ee köölë bɛ̈n Jeruthalem abï ya cɔɔl an, “Thöny de Bɛ̈nydït ku juöör kedhie abïk kenïïm mat ëtɛ̈ɛ̈n ku lamkï Yɛn. Acïkï kakɛn ke riɛl ë nɔm ku ka cïï piɔ̈ɔ̈th racken lɛ̈k keek bï bɛ aa looi.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Jeremia 48:47

Ku në akööl bï bɛ̈në Bɛ̈nydït abï Mowap bɛ tɔ kueth. Ka kakë kedhie, ee ka cï Bɛ̈nydït ke lueel nɔn bï kek röt luöi Mowap.

Edhekiɛl 38:16

Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Edhekiɛl 43:12

Kënë ee löŋ de Luaŋdït: piny thiääk ke Luaŋdït ëbɛ̈n, në kuur nɔm nhial ee tëɣeric.”

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Danyel 2:35

Ku ëtɛ̈ɛ̈n, wëëth, ku tiɔp, ku maläŋ, ku ateek, ku adhääp acïk lɔ mot ka cïk ciët tɔɔr nu tën ye rap kɔ̈ɔ̈m mɔ̈i. Go yom keek kuɔɔth wei kedhie, abï ciën të tiëc. Ku kuur acï bɛ̈n dït abï ya kuurdït cï piny paat nɔm.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Danyel 7:18

Ku kɔc ke Nhialic dït abïk riɛl de ciɛɛŋ yök, ku abïk ciɛɛŋ muk aɣet athɛɛr.

Danyel 7:22

Na wën ke raan pïïr aɣet athɛɛr ëbɔ̈ ku luk ë yic kɔc ke Nhialic dït. Akööl acïk bɛ̈n akööl bïï kɔc ke Nhialic riɛl de bääny nööm.

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Dhek 14:10

Yen ee pinyë ëbɛ̈n, abïï raai nɔm piny, gɔl ë Geba të lɔ rut aɣët cï Rimon të le wöuwic. Jeruthalem abï woi nhial në wuöt thiääk ë yen, pänydït abï ɣet gɔl ë kal ë Benjamin thok leer ë kal aguk thok, të wään kɔn ë kal tueŋë thok tɔ̈u. Ku gɔl në aloocdïït bäär de Ɣananel leer të ye mɔ̈n ë melik dhiim.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Luɔi 2:17

An, ‘Acï Nhialic lueel an, Miäk wadäŋ, Wëikï abä ke luööŋ ë kɔc gup kedhie. Ku wɛ̈ɛ̈tkun ku nyïïrkun abïk käŋ aa caar, ku röörkuöndït abïk aa nyuöth ë käŋ.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

2 Pet 3:3

Jakï kënë kɔn ŋic, an, Të cï thök de piny thiɔ̈k, ke kɔc de gup agɛɛt abïk bɛ̈n ë agɛɛtden, kɔc cath në këde ŋɔ̈ɔ̈ŋdɛn ë ke dɔm,

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.