Maika 3:7 - JAM DE NHIALIC 2011

⁷ Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

Maika 3:7 ပူးပေါင်းရင်းမြစ်များ

Diɛt 74:9

Kït ke kakuɔn ɣeriic kedhie acïk liu, Acïn tït cï döŋ, ku acïn raan ŋic yen bïï kaam cït ŋö lɛɛr yen ee kënë.

Bɛ̈n 9:11

Ku tït akënkï bɛ̈n bɛ bɛ̈n të nu Mothe thïn, në luɔi ë cï kek gup poor ayadäŋ në kɔc ke Rip ëtök.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Edhekiɛl 24:17

Du dhiëndu tɔ piŋ. Du cath ke yï ke yï kuöm nɔm ku du cath ke cin war ë yïcök ka wën nyooth dhiëëu. Du yïnyin kum ku du cäm në këcam ye kɔc dhiau cam.”

Edhekiɛl 24:22

Ku ëtɛ̈ɛ̈n wek bï kë cä looi looi. Wek cïï wenïïm bï kum ku cäkï cäm në këcam ye kɔc dhiau cam.

Lebai 13:45

Na de raan guöp wɛth, wɛnh wën ee thiäi, abï kɔc kɔ̈k dhil aa lɛ̈k në kiiu ee yen kïïu, an, “Acuɔl, acuɔl!’ Ku abï lupɔɔ cï yiic rɛt aa cieŋ, ku acïï yenɔm bï aa theer, ku abï yethok dhil aa kum.

Amoth 8:11

Ku lueel Bɛ̈nydït Nhialic an, “Akööl abïkï, akööl bän cɔk tɔ bɔ̈ pinydun, acï bï aa cɔŋ ë këcam, ku cie ron ë pïïu, abï aa cɔŋ kɔɔr ë kɔc pïŋ në wëlke.

Maika 3:4

Akööl abïkï, akööl bä wek Bɛ̈nydït aa cɔɔl, ku acïï cɔ̈tdun bï ya piŋ. Abï yenyin aa kuaak në week, në luɔi cä wek karɛc looi.

Maika 7:16

Abï juöör ke pinynɔm tïŋ ku yäärkï gup në keek, abï ke pɛ̈n riɛlden ëbɛ̈n. Abïk kethook aa kum në kecin, ku thiökkï keyïth.

Dhek 13:4

Në ee köölë, tït abïk gup aa riɔ̈ɔ̈c në nyuuthden të cɔ̈ɔ̈r kek. Acïkï lupɔɔ ke tït bï bɛ aa cieŋ be kek kɔc math.

1 Tham 14:37

Ago Thaulo Nhialic luɔp, an, “Bä lɔ piny la Pilithiin mak? Bä keek tɔ tiaam?” Ku Nhialic akën lopde bɛ̈n bɛ̈ɛ̈r ee köölë.

1 Tham 28:15

Ago Thamwɛl lɛ̈k Thaulo an, “Eeŋö jut yïn ɛn guöp? Eeŋö tɔ yïn ɛn tɔ puk yanɔm?” Ago Thaulo pɔ̈k nɔm en an, “Yɛn tɔ̈u ë nuan dït yic! Kɔc ke Pilithiin aluikï yɛn tɔŋ ku Nhialic acï ya nyääŋ piny. Akën bɛ jam kekë yɛn, në kueer de tït ku në nyuöth aya. Yen ka caal ɛn yïn, ke yï bï yɛn bɛ̈n lɛ̈k kë bä looi.”

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.

1 Tham 9:9

Ɣɔn thɛɛr paan de Yithriɛl, na kɔɔr bï raan Nhialic thiëëc, aaye lueel an, “Bäär, lokku tëde monydaai në baŋ ye tiët tɔ ye monydaai në ye aköölkë yiic.”