Maika 3:5 - JAM DE NHIALIC 2011

⁵ Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Maika 3:5 ပူးပေါင်းရင်းမြစ်များ

Kɛ̈ŋ 28:21

Kuëëny de kɔc yiic acïï piath, ku kɔ̈k ayek lɔ në awäcic në ariöp de ŋuëny töŋ de kuïn.

Yith 3:12

Mïth kor ayɔŋkï kɔckï, ku ceŋ diäär keek. Acäk tïŋ ënɔɔnë kɔckï, luɔi kuc ë bänykun week mac, ke cäkï bï ŋic yen kueer wel kek wenïïm thïn

Jeremia 23:27

Ayek tak an bï nyuöth cïk lueel kɔckï tɔ mär nïïm në yɛn, cït man ɣɔn cï kuarken nïïm määr në yɛn ku pukkï röt Baal.

Jeremia 23:32

Piŋ kë luɛɛl, Yɛn Bɛ̈nydït! Yɛn man tït ee nyuuthken lueel, nyuuthkɛn thiäŋ ë lueth. Ayek ee nyuuthkë lueel ku thelkï kɔckï wei në törden ku në lɛcden. Akɛ̈n keek tooc, ku akɛ̈n ke yɔ̈ɔ̈k bïk lɔ, ku acïn kë bïk kuöny kɔc taitai. Acä lueel, Yɛn Bɛ̈nydït.”

Jeremia 6:14

Ayek käŋ looi abï tëtöök ke kɔckï aa ciët piär tei. Ayek lueel an, ‘Acïn kërac,’ të cïn en këpiɛth nu.

Jeremia 6:4

Abïï ŋɛk aa lueel an, “Kiëëtkï röt bäk Jeruthalem mak! Guiɛɛrkï röt! Abuk mak aköl!” Ku abïk jɔ lueel an, “Amawoou wok cï gääu, akɔ̈l ë guɔ bɛ̈n cil, ku atïïp athɛ̈i acïk bɛ̈n.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 13:9

Wek bä luöi këtuc ee nïnkë yiic, wek tït ee nyuuth ë lueth, ku yak cɔ̈ɔ̈r në tör. Wek cïï bï tɔ̈u në amat de löŋ ë kɔckï yiic, ku rinkun acïï ke bï mat në kuën de baai de Yithriɛl yic, wek cïï röt bï puɔ̈k piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.

Ɣodh 4:5

Ayek kɔ̈th aköl ku wakɔ̈u. Ku tït ke Nhialic akɔ̈thkï në keek ëtök. Ku mɔɔrdun Yithriɛl abä riɔ̈ɔ̈k.

Jowɛl 3:9

Lɛ̈kkï juöör ee jamë an: ‘Guiɛkkï tɔŋ, ku thɛrkï tɔɔŋkun thook, ku määtkï jöötkuön ke tɔŋ yiic. Takï rem de tɔŋ cut rɔt tëthiɔ̈k, ku ë ke miööc tɔŋ.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Malakai 2:8

Acï Bɛ̈nydït de rɛm lueel an, “Ku ënɔɔnë, wek bäny ke kake Nhialic, wek ë röt yal wei në kueer yic yic. Ku wëëtdun ë kɔc juëc thɛl ë luɔi de karɛc yiic. Wek ë löŋ wään cä mac wokë kuarkun Lebai dhoŋ kɔ̈u.

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.