Maika 3:12 - JAM DE NHIALIC 2011

¹² Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Maika 3:12 ပူးပေါင်းရင်းမြစ်များ

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Diɛt 79:1

Nhialic, kɔc kën gam acïk paandu yak, acïk luaŋduön ɣeric yɔ̈ɔ̈r, ku nyiëëŋkï Jeruthalem piny ke cï riääk.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Jeremia 17:3

ku lɔ kur nu ë riaaŋ nɔm. Yɛn bï kɔc ke aterdun tɔ jɔt kuɛthdun, ku kakun në biäk de karɛc cäk looi pinydun ëbɛ̈n.

Jeremia 22:5

Ku na kënkï kë luɛɛl riëëu, ke Yɛn bï kuëëŋ ë we nïïm an ɣön ë bäänyë abï lööny ë riääkic. Acä lueel, Yɛn Bɛ̈nydït.

Jeremia 22:6

“Ɣön ë bääny ë Juda aläk cï piny de Giliyad, ku lɛ̈k cï kur ke Lebanɔn të de Yɛn, ku abä tɔ ee jɔ̈ɔ̈r, të cïn raan bï ceŋ thïn.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 35:17

Ka ënɔɔnë aluɛɛl, Yɛn Bɛ̈nydït, Nhialic de rɛm, Nhialic de Yithriɛl, wek kɔc ke Juda ku Jeruthalem wedhie, wek bä yiɛ̈n riääk wään cä lueel. Yɛn bï ee kënë looi në biäk cä wek kë cä lɛ̈k week ee piŋ, ku wek cïï cɔ̈tdï ee bɛ̈ɛ̈r të caal Ɛn week.”

Jeremia 44:2

An acïï Bɛ̈nydït de rɛm, Nhialic de Yithriɛl Lueel an, “Wek cï riääk cï yiɛ̈n Jeruthalem kekë pɛ̈ɛ̈nydït kɔ̈k ke Juda kedhie tïŋ ë we nyïïn. Cakaa ënɔɔnë aŋootkï ke ke cï riääk, ku acïn raan ceŋ keek,

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Dhiëëu 5:18

në luɔi cï kur de Dhiɔn wïïk yetök ku cï pɔ̈l, ku jɔ kɔ̈ɔ̈rgɔl pɛ̈ɛ̈nykɛn cï wïïk caath yiic.

Maika 1:6

Ago Bɛ̈nydït lueel an, “Thamaria abä riɔ̈ɔ̈k taitai, abï döŋ piny ke ye akuut ke tiɔp. Ku Yɛn bï kur ke ɣöötke thɔɔc nïïm në wakic, ku riäär këërkëër ke ɣöötke piny liŋliŋ. Ku ta ye duum bï kɔc aa com thïn.

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”