Maika 3:11 - JAM DE NHIALIC 2011

¹¹ Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:11 ပူးပေါင်းရင်းမြစ်များ

Kɛ̈ŋ 17:23

Raan ee karɛc looi ee kum thok nööm në cuëër, ke bï löŋ cï ŋiëc guiir riɔ̈ɔ̈k.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 48:2

Ku ŋuɔɔtkï ke we leec röt në luɛɛl ya wek e lueel nɔn ya wek kɔc ke pänydïït ɣeric ku yak röt kan në Nhialic de Yithriɛl, cɔl rin Bɛ̈nydït de rɛm.

Yith 5:23

Në kumthok yen aya wek kɔc de guöp gääk pɔ̈l, ku pɛ̈nkï kɔc cïn kë cïk wööc yicden.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 26:7

Bäny ke kake Nhialic, ku tït, kɔckë kedhie acïk ya piŋ ka ya luel ee kakë ë Luaŋdïtic,

Jeremia 5:12

Kɔc ke Bɛ̈nydït acïk Yen rɛɛc, ku luelkï an, “Acïn kë bïï looi ë yic. Acïn nuɛɛn bï wo yök, acïn abätäu buk tïŋ, ayï cɔk.”

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 7:4

Duökï wël ke mɛthkë ee piŋ an, ‘Wok lɔ läŋ! Kënë ee Luaŋdït! Kënë ee Luaŋdït! Kënë ee Luaŋdït!’

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Ɣodh 4:18

Amatnɔm de dëëk ke mɔ̈u, të cï kek dek, ke ke lɔ diäär kɔɔr. Ayek piɔ̈ɔ̈th miɛt në ayäär, awär dhuëëŋden.

Ɣodh 4:8

Acamkï awäny de kɔckï kɔ̈u, ka ayek piɔ̈ɔ̈th miɛt të cïï kɔckï wäc.

Amoth 5:14

Pälkï luɔi de kërac, ku yak këpiɛth giit në luɔi, ke wek bï pïïr. Yen abïï Bɛ̈nydït Nhialic Awärjäŋ jɔ tɔ̈u ke week cït man ya wek en lueel.

Amoth 9:10

Kɔc ee karɛc looi kedhie në kɔckï yiic abïk dhil thou në abätäu, kɔc ee ye lueel an, ‘Acïn kërɛɛc bïï Bɛ̈nydït bɛ̈ɛ̈i në wogup.’

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Dhep 3:3

Bänyke ayek ŋäär cït kɔ̈ɔ̈r, ku cït bänykɛn ee lööŋ guiir aŋuööth nɛ̈k cɔk cï wäth, cïn yuɔɔm yek buɔ̈th miäk.

Dhep 3:4

Ku tïtke acïï ke duëërë ŋɔ̈ɔ̈th, kɔc ee mɛth. Ku bänykɛn ke kake Nhialic ayek kaɣeriic dhiöök, ku dhoŋkï löŋ kɔ̈u në ruëëny.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Malakai 2:9

Yen acän week tɔ biɔɔn ë kɔc gup kedhie, ku ta keek dhäl wegup. Në biäk kɛ̈n wek kuɛɛrkï kuany yiic ëgɔk, ku në luɔi ya wek lööŋkï kuɛ̈ɛ̈ny yiic në wëëtdun yic.

Kuɛ̈n 16:15

Go Mothe piɔ̈u diu ku lëk Bɛ̈nydït an, “Duk miɔ̈c de ee kɔckë be gam. Acïn kë cä wäc keek, acïn këdɛn cä nööm na cakaa muul akɛ̈n nööm.

Kuɛ̈n 22:7

Go röördït ke Mowap mɛ̈tkï në röördït ke Midian ariöp de cäär nööm ku jëlkï, lekkï tëde Balaam. Na wën acïk ɣet tëde Balaam, ke lëkkï ke cïï Balak lɛ̈k en.

Math 3:9

ku duökï ee lueel ë wepiɔ̈ɔ̈th an, wok de wäärda Abraɣam, Nhialic alëu bïï mïth ke Abraɣam cak në kɔikë.

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.

1 Tham 8:3

Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.